New to site?


Login

Lost password? (X)

Already have an account?


Signup

(X)
Farooq

Bunna Gold Checking

HomeUnique ServicesBunna Gold Checking

BUNNA GOLD CHECKING ACCOUNT

BIB’s NEW SERVICES

Bunna International Bank S.C. is committed to innovativeness and high quality. In line with this, the Bank continues offering a wide range of new innovative deposit products/services. The new services would help depositors to put their savings over a period of time to meet future plans and for contingencies. They are designed for, among others, salaried individuals, Business Community, Companies, Non-profit making Institutions, Government organizations and professionals.

BUNNA GOLD CHECKING ACCOUNT

Description
It is a multi service interest bearing current account package that allows customers to use their deposit, credit, and international banking services with exclusive benefits such as, preferred pricing and fees on various services of the Bank.
Target Group
Nongovernmental organization, oil companies, individuals and other high value customers who are recipients of considerable amount of foreign currency and/or significant fund depositors can enjoy the benefits of Bunna Gold deposit account.
Requirements
The minimum initial deposit (opening balance) requirement is Birr 100,000.00.
Benefits
The Bank will pay an interest rate that ranges from 0.5% and higher depending on the amount of money retained in the account. The interest will be paid annually and compounded on quarterly bases;

Staff members of this Bunna Gold card holder are eligible for housing or personal/ consumer loans against their provident funds being administered by the Bank (the blocked provident fund will earn interest income up to 5.5%/- per annum);

A 50% discounted service charge on outgoing transfers from foreign currency accounts opened as package of Birr account;

Door-to-door and /or cash-pouch service/ for withdrawal /deposit exceeding Birr 200,000/;

And many more service charge and commission free services will be provided by Bunna Bank for Bunna Gold account holders.

ቡና ጎልድ (Gold) የተንቀሳቃሽ ሒሳብ

አጭር መግለጫ
ቡና ጎልድ ወለድ የሚያስገኝ እና ብዙ የጥቅም ማዕቀፍ ያለው የተንቀሳቃሽ ሒሳብ ነው፡፡ የዚህ ሒሳብ ተጠቃሚ የሆኑ ደንበኞች የተቀማጭ ገንዘብ፣ የብድር እና የዓለም አቀፍ ባንክ አገልግሎቶችን የተለየ ጥቅሞችን የአገልግሎት ክፍያ ቅናሽን ጨምሮ እንዲያገኙ ሆኖ የተዘጋጀ ነው፡፡
የአገልግሎቱ ተጠቃሚዎች
መንግስታዊ ያልሆኑ ድርጅቶች፣ በነዳጅ ንግድ ላይ የተሰማሩ ኩባንያዎች፣ ግለሰቦች እና ትልቅ ደንበኞች ሁሉ የቡና ጎልድ የተቀማጭ ሒሳብ ተጠቃሚ መሆን ይችላሉ፡፡
ሒሳቡን ለመክፈት የሚያስፈልጉት መስፈርቶች
ይህን ሒሳብ ለመክፈት የሚያስፈልገው ዝቅተኛ የገንዘብ መጠን ብር 100,000 ነው፡፡
የሚያስገኛቸው ጥቅሞች
ባንኩ በሒሳቡ ውስጥ በተቀመጠው የገንዘብ መጠን መሠረት 0.5% እና ከዚያም በላይ የሚደርስ የወለድ መጠን ይከፍላል፡፡ ይህ ወለድ በየሩብ ዓመቱ የወለድ ወለድ ይታሰብለታል፤

የቡና ጎልድ ካርድ አባል የሆኑ ደንበኞች ለቤት መግዣ ወይም መስሪያ እና ለግል ፍላጎት የሚውል ብድር ያገኛሉ፡፡ ይህም ባንኩ የሚያስተዳድረውን ፕሮቪደንት ፈንድ መያዣ በማድረግ ሲሆን፤ በተጨማሪም በዝግ ሒሳብ ለተቀመጠው ፕሮቪደንት ፈንድ እስከ 5.5% ወለድ ያገኛሉ፤

በውጭ ምንዛሬ የተከፈቱ ሒሳቦች ሆነው የብር ሒሳብ ማዕቀፍ ካላቸው ላይ ለሚደረግ የውጭ ሐዋላ (ወደ ውጭ ሃገር የሚላክ) እስከ 50% የሚደርስ የአገልግሎት ክፍያ ቅናሽ ያገኛሉ፤

ደንበኞች ከብር 200,000.00 በላይ ገንዘብ ወደ ሒሳባቸው ማስገባትም ሆነ ከሒሳባቸው ማውጣት ሲፈልጉ የቤት ለቤት አገልግሎት ያገኛሉ፤

በተጨማሪም የቡና ባንክ የቡና ጎልድ ሒሳብ ባለቤት ከሆኑ በርከት ያሉ ከክፍያ ነፃ የሆኑ እና የተቀላጠፉ አገልግሎቶችን ያገኛሉ፡፡

ቡና ኢንተርናሽናል ባንክ አ.ማ
BUNNA INTERNATIONAL BANK S.C
ለቡና ኢንተርናሽናል ባንክ አ.ማ ባለአክሲዮኖች በሙሉ

እጩ የዳይሬክተሮች ቦርድ አባላትን ጥቆማ ለመቀበል የወጣ ማስታወቂያ

የቡና ኢንተርናሽናል ባንክ አ.ማ የቦርድ አባላት ምርጫ የሚከናወነው የኢትዮጵያ ብሔራዊ ባንክ ባወጣው መመሪያ ቁጥር SBB/54/2012 እና SBB/62/2015 እንዲሁም በኩባንያው ባለአክሲዮኖች 8ኛ መደበኛ ጠቅላላ ጉባኤ ላይ በጸደቀው የቦርድ አባላት ጥቆማና ምርጫ አፈጻጸም የአሰራር ደንብ መሠረት ነው፡፡ እነዚህን መመሪያዎች መሠረት በማድረግ በቀጣይ ባንኩን በቦርድ አባልነት የሚመሩ አባላትን ለማስመረጥ ጥቅምት 12 ቀን 2010 ዓ.ም በተካሄደው የባለአክሲዮኖች 8ኛ መደበኛ ጠቅላላ ጉባኤ የቦርድ አባላት አስመራጭ ኮሚቴ መቋቋሙ ይታወሳል፡፡
በጠቅላላ ጉባኤው የተቋቋመው አስመራጭ ኮሚቴ እጩ የዳይሬክተሮች ቦርድ አባላት ጥቆማዎችን ለመቀበል ዝግጅቱን አጠናቋል፡፡

ባለአክሲዮኖች ብቁ ናቸው ብላችሁ የምታምኑባቸውን እጩ የቦርድ አባላት ለመጠቆም የሚያስችላችሁን የጥቆማ መሙያ ወይም ማስፈሪያ ቅጽ በቡና ኢንተርናሽናል ባንክ አ.ማ ድረ ገጽ http://www.bunnabanksc.com ወይም የባንኩ ዋና መስሪያ ቤት በሚገኝበት አራት ኪሎ ከብርሃንና ሰላም ማተሚያ ቤት ጎን ካለው ዳብር ሕንጻ 4ኛ ፎቅ ቢሮ ቁጥር 401 በሚገኘው የዳይሬክተሮች ቦርድ አስመራጭ ኮሚቴ ጽ/ቤት ወይም በባንኩ ቅርንጫፎች በአካል በመቅረብ ለጥቆማ መስጫ የተዘጋጀውን ቅጽ ማግኘት የምትችሉ መሆኑን አስመራጭ ኮሚቴው ያሳውቃል፡፡
ስለሆነም የባንኩ ባለአክሲዮኖች ለኩባንያው ሁለንተናዊ እድገት የበኩላቸውን አስተዋጽኦ ለማበርከት ይችላሉ ብለው የሚያምኑባቸውን ብቁ እጩዎችን በቅጹ ላይ በጥንቃቄ በመሙላት ከሚያዝያ 15 ቀን 2010 ዓ.ም ጀምሮ እስከ ሐምሌ 15 ቀን 2010 ድረስ እንዲጠቁሙ አስመራጭ ኮሚቴው በአክብሮት ይጋብዛል፡፡

ባለአክሲዮኖች የሞሉትን ቅጽ በቡና ኢንተርሽናል ባንክ አ.ማ ዋና መ/ቤት 4ኛ ፎቅ በዳይሬክተሮች ቦርድ አስመራጭ ኮሚቴ ጽ/ቤት ቢሮ ቁጥር 401 በአካል በመቅረብ መስጠት ወይም በባንኩ የፓ.ሣ.ቁጥር 1743 ኮድ 1110 ላይ በአደራ ደብዳቤ አድራሻውን ለቡና ኢንተርናሽናል ባንክ አ.ማ. የዳይሬክተሮች ቦርድ አስመራጭ ኮሚቴ በማለት ወይም የተሞላውን ቅፅ ስካን በማድረግ ለዚሁ ዓላማ በተዘጋጀው በባንኩ ኢሜል bibnomination@bunnabanksc.com አያይዘዉ መላክ የሚችሉ መሆኑን እንገልጻለን፡፡

ተጠቋሚ እጩ የቦርድ አባላት የሚከተሉትን መስፈርቶች ማሟላት ይጠበቅባቸዋል፤

  1. ኢትዮጵያዊ ዜጋ የሆነ/ች እንዲሁም ዕድሜው/ዋ 30 ዓመት እና ከዚያ በላይ የሆነ/ች፤
  2. የቡና ኢንተርናሽናል ባንክ አ.ማ ባለአክሲዮን የሆነ/ች እና ቢመረጥ/ብትመረጥ በዳይሬክተሮች ቦርድ አባልነት ለመሥራት ፈቃደኛ የሆነ/ች፣
  3. ለቦታው ተስማሚ እና መጣኝ (Fit and Proper) የሆነ/ች እና የተስማሚ እና መጣኝ መገለጫ የሆነው እውቀት ቢያንስ አጠቃላይ 2ኛ ደረጃ ትምህርት ያጠናቀቀ/ች፣
  4. በቢዝነስ ማኔጅመንት፤ በባንክ ሥራ፤ በፋይናንስ፤ በአካውንቲንግ፤ በሕግ፣ በኦዲቲንግ፤ በኢኮኖሚክስ፤ በኢንፎርሜሽን ቴክኖሎጂ፤ በኢንቨስትመንት ማኔጅመንት የትምህርት መስክ የተመረቁና የጾታ ስብጥራቸውም ተመጣጣኝ ቢሆን ይመረጣል፣
  5. የቡና ኢንተርናሽናል ባንክም ሆነ የሌሎች ባንኮች ተቀጣሪ ሠራተኛ ያልሆነ/ነች፤ እንዲሁም የማንኛውም የፋይናንስ ተቋም ዋና ሥራ አስፈፃሚ ወይም የዳይሬክተሮች ቦርድ አባል ያልሆነ/ነች፤
  6. ተጠቋሚው የሕግ ሰውነት ያለው ድርጅት ከሆነ ድርጅቱን ወክሎ የዳይሬክተሮች ቦርድ አባል ለመሆን የሚወዳደረው የተፈጥሮ ሰው ማንነትና የትምህርት ደረጃ እንዲሁም ሌሎች አስፈላጊ ነገሮች ሁሉ መጥቀስ፤
  7. የቡና ኢንተርናሽናል ባንክ አ.ማ የዳይሬክተሮች ቦርድ አስመራጭ ኮሚቴ አባል ያልሆነ/ነች፤
  8. ቡና ኢንተርናሽናል ባንክ አክሲዮን ማህበርን ለስድስት ተከታታይ ዓመታት በቦርድ አባልነት አገልግለው ከቦርድ አባልነት የለቀቁ ከሆነ ከለቀቁበት ጊዜ ጀምሮ ስድስት ዓመታት የሆናቸው (የሞላቸው) መሆን አለበት፤
  9. በሕዝብ ዘንድ ተአማኒነት ያለው/ያላት እና የጸዳ የፋይናንስ አቋም ያለው/ያላት፤
  10. በሕዝብ ዘንድ መልካም ስነ ምግባር፣ ማህበራዊ ተቀባይነት ያለው/ያላት እና ሕግን በመተላለፍ በኢትዮጵያም ሆነ በውጭ ሀገራት በወንጀል በመከሰስ ተፈርዶበት/ባት የማያውቅ/ታውቅ፤
  11. ለመንግሥት ባለስልጣናት መረጃን በመከልከል፤ የተሳሳቱ የሂሳብ ወይም ሌሎች ሰነዶችን በመስጠት የተቆጣጣሪ አካላትን መመሪያዎች ባለመቀበል እና ባለመገዛት በመንግስት ባለስልጣናት አስተዳደራዊ የእርምት እርምጃዎች ተወስዶበት/ባት የማያውቅ/ታውቅ፤
  12. የንግድ ሥራን ከመተግበር ወይም ድርጅትን ከመምራት አኳያ በፍርድ ቤት የመክሰር ውሳኔ ያልተላለፈበት/ባት፣ ከታክስ እና ከባንክ ክፍያዎች ጋር በተያያዘ ግዴታዎቹን/ቿን በአግባቡ የተወጣ/ች መሆን ይኖርባቸዋል፡፡

ለበለጠ መረጃ ባለአክሲዮኖች በስልክ ቁጥር 0118722845 ወይም በ0903-200309/10 በመደወል ማብራሪያ ማግኘት ይችላሉ፡፡

ማሳሰቢያ፤
አስመራጭ ኮሚቴው ከሚያዝያ 15 ቀን 2010 ዓ.ም በፊትም ሆነ ከሐምሌ 15 ቀን 2010 ዓ.ም በኋላ የሚቀርቡ ጥቆማዎችን የማይቀበል መሆኑን ከወዲሁ ያሳስባል፡፡

የቡና ኢንተርናሽናል ባንክ አ.ማ
የዳይሬክተሮች ቦርድ አባላት አስመራጭ ኮሚቴ

ፎርሙን ለማግኘት ከዚህ በታች የሚገኘውን ሊንክ ይጫኑ