New to site?


Login

Lost password? (X)

Already have an account?


Signup

(X)
Farooq

ለሶስት ቀናት ሲካሄድ የቆየው የቡና ባንክ አ.ማ ዓመታዊ የዕቅድ አፈጻጸም ስብሰባ ተጠናቀቀ

HomeNewsለሶስት ቀናት ሲካሄድ የቆየው የቡና ባንክ አ.ማ ዓመታዊ የዕቅድ አፈጻጸም ስብሰባ ተጠናቀቀ
25
Aug
ለሶስት ቀናት ሲካሄድ የቆየው የቡና ባንክ አ.ማ ዓመታዊ የዕቅድ አፈጻጸም ስብሰባ ተጠናቀቀ
  • Author
    Genet Fekade
  • Comments
    0 Comments
  • Category

==========

ከነሃሴ 17 ቀን እስከ ነሃሴ 19 ቀን 2013ዓ.ም ለሶስት ቀናት ሲካሄድ የቆየው የቡና ባንክ አ.ማ የ2020/21 በጀት ዓመት የስራ አመራር አባላት ዓመታዊ የዕቅድ አፈጻጸም ስብሰባ ተጠናቋል።

በኢትዮጵያ ስካይ ላይት ሆቴል ሲካሄድ የቆየው ይኸው ስብሰባ በባንኩ የበጀት አመት የዕቅድ አፈጻጸም እና የ2021/22 የበጀት አመት ዕቅዶች ላይ ሰፊ ውይይቶችን አካሂዷል።

በበጀት አመቱ ባንኩ የነበሩትን ጠንካራ የዕቅድ አፈጻጸሞችበመገምገም ለተገኙት አመርቂ ውጤቶች ዕውቅና የሰጠ ሲሆን የታዩ ክፍተቶችን በማሻሻል በያዝነው በጀት አመት የላቀ ውጤት ለማስመዝገብ በሚቻልባቸው አካሄዶች ላይም ጥልቅ ውይይቶች ተደርግዋል።

ከዚህ በተጨማሪም የባንኩ ስራ አመራር አባላት በባንኩ ተዘጋጅቶ በቀረበው የላቀ አፈጻጸም ድርጅታዊ ባህል (High performance organizational culture) ሰነድ ላይ ሃሳብ በመለዋወጥ ሰነዱን ከባንኩ እሴቶች ጋር በማዋሃድ ለተሻለ አፈጻጸም ያግዛል ባሏቸው አንኳር ነጥቦች ላይም ተወያይተዋል።

በተጨማሪም ባንኩ ለያዘው እቅድ መሳካት የሰራተኞችንና የስራ አመራሮችን የስራ ሂደት እና ውጤት በምዘና ላይ የተመረኮዘ ለማድረግ በተቀረጸው አዲሱ የስራ አፈጻጸም ምዘና ሰነድ ላይ በተደረገው ውይይት ለአፈጻጸም አመቺ ይሆናሉ ተብለው የተለዩ አሰራር ነጥቦች ተጠቁመዋል። የተጀመረውን የስራ አፈጻጸም ምዘና አሰራር በመያዝ ለዚሁ ዓላማ የተቀረጸው አዲሱ ሰነድ ወደስራ እንዲገባ በሚያስችሉ አሰራሮች ላይም አቅጣጫ ተሰጥቷል።

በስብሰባው መጨረሻ ቀን ላይ በሃገር አቀፍ ደረጃ ተቀርጾ ወደአፈጻጸም በወረደው ዲጆታል ኢትዮጵያ 2025/ የዲጂታል ትራንስፎርሜሽን ስትራተጂ ሰነድ ላይ ከኢንፎርሜሽንና ቴክኖሎጂ ሚኒስቴር በመጡ ሶስት ባለሙያዎች ገለጻ ና ማብራሪያ ተሰጥቷል።

ከገለጻው በኋላም በሰነዱ አጠቃላይ ሃሳቦችና ፣በተለይም ስትራተጂው በባንክና ፋይናንስ ኢንደስትሪ የስራ አፈጻጸምና አገልግሎት አሰጣጥ ላይ ባለው ቀጥተኛና ተዘዋዋሪ አንደምታ ዙሪያ እንዲሁም ከዲጂታላይዜሽን ጋር ተያይዘው በሚመጡ የሳይበር ሴኪዩሪቲ ስጋቶች እና መልካም እድሎች ላይ የስራ አመራር አባላቱና ባለሙያዎቹ መካከል ጥልቅ ውይይቶች ተካሂደው ስብሰባው ተጠናቋል።

በስብሰባው ላይ የባንኩን ዋና ስራ አስፈጻሚ ጨምሮ ሁሉም ቺፍ ኦፊሰሮች፣ ዳይሬክተሮች እና የዲስትሪክት ስራ አስኪያጆች ተካፋይ ሆነዋል።

Tags:

           ቡና ባንክ .

          BUNNA BANK S.C

    ለቡና ባንክ አ.ማ ባለአክስዮኖች በሙሉ

    ዕጩ የዳይሬክተሮች ቦርድ አባላትን ጥቆማ ለመቀበል ተሻሽሎ የወጣ ማስታወቂያ

    የቡና ባንክ አ.ማ የባለአክስዮኖች ጠቅላላ ጉባዔ ታህሳስ 11 ቀን 2013 ዓ.ም ባካሄደው 11ኛ መደበኛ ስብሰባው ያቋቋመው “የዳይሬክተሮች ቦርድ አባላት ጥቆማና አስመራጭ ኮሚቴ” ከሐምሌ 01 ቀን 2013 ዓ.ም ጀምሮ የዕጩ ጥቆማዎችን በመቀበል ላይ የሚገኝ ሲሆን የቦርድ አባላትን ለመጠቆም የሚያስችለውን የጥቆማ መሙያ ቅጽ ከቡና ባንክ አ.ማ ድረ-ገጽ https://www.bunnabanksc.com ወይም አዲስ አበባ ቦሌ መንገድ ሩዋንዳ መታጠፊያ የባንኩ ዋና መስሪያ ቤት 8ኛ ፎቅ ከሚገኘው የኮሚቴው ጽ/ቤት ወይም ከባንኩ ቅርንጫፎች ማግኘት ይቻላል፡፡

    ስለሆነም ባለአክስዮኖች ለዳይሬክተሮች የቦርድ አባልነት ብቁ የሆኑትን ፤ ለባንኩ ሁለንተናዊ ዕድገት ከፍተኛ አስተዋፅኦ ማበርከት የሚችሉትን እና ከታች የተዘረዘሩትን መስፈርቶች የሚያሟሉትን ዕጩዎች በቅፁ ላይ በጥንቃቄ በመሙላት እስከ ጥቅምት 01 ቀን 2014 ዓ.ም ድረስ ብቻ ከላይ በተገለፀው የኮሚቴው ጽ/ቤት በአካል በማቅረብ ወይም አድራሻውን ለቡና ባንክ አ.ማ የዳይሬክተሮች ቦርድ አባላት ጥቆማና አስመራጭ ኮሚቴ በማለት በባንኩ የፓ.ሣ.ቁጥር 1743 ኮድ 1110 በአደራ ደብዳቤ በመላክ ወይም የተሞላውን ቅጽ ስካን በማድረግ ለዚሁ ዓላማ በተዘጋጀው በባንኩ ኢሜይል bibnomination@bunnabanksc.com አያይዛችሁ በመላክ ለባንኩ ዕድገት የበኩላችሁን አስተዋፅኦ እንድታደርጉ ጥሪያችንን እናቀርባለን፡፡

    ተጠቋሚ ዕጩ የዳይሬክተሮች ቦርድ አባላት የሚከተሉትን መስፈርቶች ማሟላት ይጠበቅባቸዋል፡-

    1. በዜግነት ኢትዮጵያዊ/ት ወይም የውጭ ሀገር ዜግነት ካለው/ላት በትውልድ ኢትዮጵያዊ/ት የሆነ/ች፤
    2. ዕድሜው/ዋ 30 ዓመት ወይም ከዚያ በላይ የሆነ/ች፤
    3. የዳይሬክተሮች የቦርድ አባል ሆኖ ቢመረጥ /ሆና ብትመረጥ ለመስራት ፈቃደኛ የሆነ/ች፤
    4. ከታወቀ የከፍተኛ የትምህርት ተቋም ቢያንስ በመጀመሪያ ዲግሪ ወይም በአቻ የትምህርት ደረጃ የተመረቀ/ች፤
    5. የዳይሬክተሮች የቦርድ አባላት ስብስብ በባንክ ስራ፣ በፋይናንስ፣ በአካውንቲንግ፣ በማኔጅመንት፣ በኢኮኖሚክስ፣ በሕግ፣ በቢዝነስ አስተዳደር ፣ በኦዲቲንግ ፣ በኢንፎርሜሽን ቴክኖሎጂ ወይም በኢንቨስትመንት ማኔጅመንት መሠረታዊ ክህሎትን /ችሎታን ያካተተ እና የፆታ ስብጥርን ያገናዘበ ቢሆን ይመረጣል፤
    6. የፋይናንስ ድርጅት የቦርድ ዳይሬክተር ያልሆነ/ች ወይም ዳይሬክተሩ/ሯ 10% ወይም ከዚያ በላይ የባለቤትነት ድርሻ ያልያዘበት/ችበት የንግድ ድርጅት፤
    7. የማንኛውም ባንክ ተቀጣሪ ሠራተኛ ያልሆነ/ች፤
    8. የቡና ባንክ አ.ማ የዳይሬክተሮች ቦርድ ጥቆማና አስመራጭ ኮሚቴ አባል ያልሆነ/ች፤
    9. በግሉ/ሏ ወይም ሌላ ባለአክስዮንን በመወከል በቡና ባንክ አ.ማ ውስጥ ለተከታታይ ስድስት ዓመታት በቦርድ አባልነት አገልግሎ/ላ ከሆነ/ች ከለቀቀበት/ችበት ጊዜ ጀምሮ ስድስት ዓመታት ያለፈው/ፋት፤
    10. በብሔራዊ ባንክ እምነት መሰረት ታማኝ ፣ ሐቀኛ፣ ጠንቃቃ እና መልካም ዝና ያለው/ላት፤
    11. መልካም የፋይናንስ ታሪክና አቋም ያለው/ያላት ፤ የንግድ ሥራን ከመተግበር ወይም ድርጅትን ከመምራት አኳያ በፍርድ ቤት የመክሰር ውሳኔ ያልተላለፈበት/ባት፣ ከታክስ እና ከባንክ ክፍያዎች ጋር በተያያዘ ግዴታዎቹን/ቿን በአግባቡ የተወጣ/ች፤
    12. መልካም ስነምግባር ያለው/ላት፣ከዚህ በፊት በንግድ ማህበር አደራጅነት፣ ዳይሬክተርነት፣ ስራ አስኪያጅነት፣ተቆጣጣሪነት፣ኦዲተርነት ወይም በሌሎች የአመራር ኃላፊነቶች ላይ ተመድቦ/ባ ሲሰራ/ስትሰራ ከኃላፊነቱ/ቷ ጋር በተያያዘ ወይም በማናቸውም ሌላ ሁኔታ በኢትዮጵያ ውስጥም ሆነ ከኢትዮጵያ ውጭ በእምነት ማጉደል፣ በስርቆት ፣ በማጭበርበር፣ በውንብድና ወይም በሌላ ለቦርድ አባልነት ብቁ በማያደርግ ተመሳሳይ ወንጀል በፍ/ቤት ተከሶ/ሳ የጥፋተኝነት ውሳኔ ያልተሰጠበት/ባት፤
    13. ከመንግስት ባለስልጣናት መረጃን በመደበቅ፣ የተሳሳቱ የሂሳብ ወይም ሌሎች ሰነዶችን በመስጠት፣ የተቆጣጣሪ አካላትን ማረጋገጫዎች ባለመቀበል፣ መስፈርቶችን ባለማሟላት ፣ የእርምት ወይም የማስተካከያ እርምጃዎችን ባለመውሰድ ሪከርድ የሌለበት/ባት፤
    14. በኢትዮጵያ ውስጥም ሆነ በውጭ ሃገር በሚገኝ በማናቸውም በፈረሰ ባንክ ውስጥ ዳይሬክተር የነበረ/ች ከሆነ በቅድሚያ ከብሔራዊ ባንክ የጽሁፍ ፈቃድ ማቅረብ የሚችል/ ምትችል፤
    15. ዕጩ ተጠቋሚው በሕግ የሰውነት መብት የተሰጠው ድርጅት ከሆነ፤ ድርጅቱን ወክሎ የሚያገለግል ቋሚ ተወካይ (የተፈጥሮ ሰው) መመደብ ያለበት ሲሆን ይህ ተወካይ ሁሉንም መስፈርቶች ማሟላት ይጠበቅበታል፤
    16. መስፈርቱን የሚያሟሉ ሴት ዕጩዎች ይበረታታሉ፤

     

    ለበለጠ መረጃ ባለአክስዮኖች በስልክ ቁጥር 011-8-722845/011-1-264357 ደውለው ማብራሪያ ማግኘት ይችላሉ፡፡

     

    ማሳሰቢያ፤

    ኮሚቴው ከጥቅምት 01 ቀን 2014 . በኋላ የሚቀርቡ ጥቆማዎችን የማይቀበል መሆኑን ከወዲሁ ያሳስባል!!!

    NameDownloads
    እጩ መጠቆሚያ ቅጽ

    የቡና ባንክ አ.ማ

    የዳይሬክተሮች ቦርድ አባላት አስመራጭ ኮሚቴ

    Bunna Bank