New to site?


Login

Lost password? (X)

Already have an account?


Signup

(X)
Farooq

ሰባተኛው ዙር የውጭ ምንዛሪ ማስገኛ የሎተሪ ዕጣ ወጣ

HomeNewsሰባተኛው ዙር የውጭ ምንዛሪ ማስገኛ የሎተሪ ዕጣ ወጣ
28
Aug
ሰባተኛው ዙር የውጭ ምንዛሪ ማስገኛ የሎተሪ ዕጣ ወጣ
  • Author
    Genet Fekade
  • Comments
    0 Comments
  • Category

የቤት መኪና አሸናፊው የ ገርጂ ቅርንጫፍ ደንበኛ ሆኗል

ቡና ኢንተርናሽናል ባንክ ለሰባተኛ ጊዜ ያዘጋጀው የውጭ ምንዛሪ ማስገኛ የሎተሪ እጣ ነሃሴ 21 ቀን 2012 ዓ.ም በብሄራዊ ሎተሪ በዕድል አዳራሽ በህዝብ ፊት በይፋ ወጥቷል፡፡

በሰባተኛው ዙር የውጭ ምንዛሬ ማስገኛ ፕሮሞሽን ደንበኞች ከውጭ ሀገር ከወዳጅ ዘመዶቻቸው በተለያዩ ገንዘብ ማስተላለፊያ ድርጅቶች በኩል ገንዘብ ሲላክላቸውና በቡና ባንክ በኩል ሲቀበሉ እንዲሁም የውጭ አገር ገንዘብ በቡና ባንክ ቅርንጫፎች ሲመነዝሩ እድለኛ የሚሆኑበት የሎተሪ መርሃ ግብር ባንኩ በየአመቱ ከሚያካሂዳቸው የሴልስ ፕሮሞሽን መርሀግብሮች መካከል አንዱ ነው፡፡

የቡና ኢንተርናሽናል ባንክ ስትራቴጂ ዋና ኦፊሰር አቶ መንክር ሃይሉ የእጣ አወጣጥ ስነስርአቱን በይፋ ሲከፍቱ እንደገለጹት ቡና ኢንተርናሽናል ባንክ ላለፉት አስር ስኬታማ አመታት በባንክ አገልግሎት ማለትም በቁጠባ፤ በብድር ፋይናንስ እንዲሁም በአለም አቀፍ የባንክ አገልግሎት ህብረተሰቡን በማገልገል ተመራጭና ተወዳጅ ለመሆን የበቃ ህዝባዊ ባንክ መሆኑንና ባንኩ ከሚሰጣቸው አገልግሎቶች መካከል አንዱ በሆነው የውጭ ምንዛሪ ማስገኘት ስራ ላይ ሲሰራ መቆየቱን አስረድተዋል፡፡

በተለይም ከቅርብ አመታት ወዲህ በአገሪቱ የተፈጠረውን የውጭ ምንዛሪ እጥረት ለማሻሻል ቡና ባንክ በአገር ውስጥም ሆነ በውጭ አገር የተለያዩ ስራዎችን እያከናወነ እንደሚገኝ የገለጹት አቶ መንክር፤ባንኩ የውጭ ምንዛሪ ማስገኛ መርሃግብሩ ከውጭ ሀገር ያለው ዲያስፖራ ወደ ሀገር ውስጥ የሚልከውን ገንዘብ ህጋዊ የባንክ መስመርን እንዲከተል ለማድረግ ከፍተኛ ጥረት ማድረጉን፤ በጥቁር ገበያ የሚደረገውን የገንዘብ ግብይት ወደ ባንክ እንዲመጣ ከማድረግና በሰውና በዘመድ የሚላክበት የገንዘብ አላላክ በተቀባዩ ዘንድ የሚፈጥረውን ተግዳሮት ለመቅረፍና የባንክ ተጠቃሚ እንዲሆኑ ጥረት በማድረግ ከፍተኛ እገዛ አድርጓል ብለዋል፡፡

ባንኩ ባለፉት ሰባት ዙሮች ባካሄደው የውጭ ምንዛሪ ማስገኛ መርሀግብር ካገኛቸው ልምዶች በመነሳት የባንኩን ደንበኞች የበለጠ ለማበረታታትና ለማትጋት ስምንተኛውን ዙር የውጭ ምንዛሪ ማስገኛ ፕሮሞሽን መርሃግብሩን በቅርቡ እንደሚጀምር አስታውቀዋል፡፡

Tags:

    እጩ የዳይሬክተሮች ቦርድ አባላትን ጥቆማ ለመቀበል የወጣ ማስታወቂያ

    የቡና ባንክ አ.ማ የቦርድ አባላት ምርጫ የሚከናወነው የኢትዮጵያ ብሔራዊ ባንክ ባወጣው መመሪያ ቁጥር SBB/79/2021 እና SBB/71/2019 እንዲሁም በኩባንያው ባለአክሲዮኖች 11ኛ መደበኛ ጠቅላላ ጉባዔ ላይ በጸደቀው የቦርድ አባላት ጥቆማና ምርጫ አፈጻጸም የአሠራር ደንብ መሠረት ነው፡፡ እነዚህን መመሪያዎች መሠረት በማድረግ በቀጣይ ባንኩን በቦርድ አባልነት የሚመሩ አባላትን ለማስመረጥ ታህሳስ 11 ቀን 2013 ዓ.ም በተካሄደው የባለአክሲዮኖች 11ኛ መደበኛ ጠቅላላ ጉባዔ የቦርድ አባላት አስመራጭ ኮሚቴ መቋቋሙ ይታወሳል፡፡ በጠቅላላ ጉባኤው የተቋቋመው አስመራጭ ኮሚቴ እጩ የዳይሬክተሮች ቦርድ አባላት ጥቆማዎችን ለመቀበል ዝግጅቱን አጠናቋል፡፡

    ስለሆነም ባለአክሲዮኖች ለዳይሬክተሮች ቦርድ አባልነት ብቁ ናቸው ብላችሁ የምታምኑባቸውን እጩ የቦርድ አባላት ለመጠቆም የሚያስችላችሁን የጥቆማ መሙያ ወይም ማስፈሪያ ቅጽ በቡና ባንክ አ.ማ ድረ ገጽ https://www.bunnabanksc.com ወይም የባንኩ ዋና መሥሪያ ቤት በሚገኝበት ቦሌ መንገድ ሩዋንዳ መታጠፊያ አካባቢ ባለው የቡና ባንክ አ.ማ ሕንፃ 8 ፎቅ በሚገኘው የዳይሬክተሮች ቦርድ አስመራጭ ኮሚቴ ጽ/ቤት ቢሮ ወይም በባንኩ ቅርንጫፎች በአካል በመቅረብ ለጥቆማ መስጫ የተዘጋጀውን ቅጽ ማግኘት የምትችሉ መሆኑን አስመራጭ ኮሚቴው ያሳውቃል፡፡

    ስለሆነም የባንኩ ባለአክሲዮኖች ለባንኩ ሁለንተናዊ እድገት የበኩላቸውን አስተዋጽኦ ማበርከት ይችላሉ ብለው የሚያምኑባቸውን ብቁ እጩዎችን በቅጹ ላይ በጥንቃቄ በመሙላት ከሐምሌ 01 ቀን 2013 ዓ.ም እስከ ጥቅምት 01 ቀን 2014 ዓ.ም ድረስ ከታች በተመለከቱት አማራጮች በመጠቀም እንዲጠቁሙ አስመራጭ ኮሚቴው በአክብሮት ይጋብዛል፡፡

    ባለአክሲዮኖች የሞሉትን ቅጽ በቡና ባንክ አ.ማ ዋና መ/ቤት 8ኛ ፎቅ በዳይሬክተሮች ቦርድ አስመራጭ ኮሚቴ ጽ/ቤት በአካል በመቅረብ ቅጹን መሙላት ወይም አድራሻውን ለቡና ባንክ አ.ማ የዳይሬክተሮች ቦርድ አስመራጭ ኮሚቴ በማለት በባንኩ የፓ.ሣ.ቁጥር 1743 ኮድ 1110  በአደራ ደብዳቤ መላክ ወይም የተሞላውን ቅፅ ስካን በማድረግ ለዚሁ ዓላማ በተዘጋጀው በባንኩ ኢሜል bibnomination@bunnabanksc.com አያይዘዉ መላክ የሚችሉ መሆኑን እንገልጻለን፡፡

    ተጠቋሚ እጩ የቦርድ አባላት የሚከተሉትን መስፈርቶች ማሟላት ይጠበቅባቸዋል፤

    1. ኢትዮጵያዊ ዜጋ የሆነ/ች እንዲሁም ዕድሜው/ዋ 30 ዓመት እና ከዚያ በላይ የሆነ/ች፤
    2. የቡና ባንክ አ.ማ ባለአክሲዮን የሆነ/ች እና ቢመረጥ/ብትመረጥ በዳይሬክተሮች ቦርድ አባልነት ለመሥራት ፈቃደኛ የሆነ/ች፣
    3. ለቦታው የተገቢነት እና የብቃት መስፈርት (Fit and Proper) የሚጠይቀውን  የመጀመሪያ ዲግሪ ትምህርት ያጠናቀቀ/ች፣
    1. በቢዝነስ ማኔጅመንት፤ በባንክ ሥራ፤ በፋይናንስ፤ በአካውንቲንግ፤ በሕግ፣ በኦዲቲንግ፤ በኢኮኖሚክስ፤ በኢንፎርሜሽን ቴክኖሎጂ፤ በኢንቨስትመንት ማኔጅመንት የትምህርት መስክ የተመረቁና የጾታ ስብጥራቸውም ተመጣጣኝ ቢሆን ይመረጣል፣
    2. የቡና ባንክም ሆነ የሌሎች ባንኮች ተቀጣሪ ሠራተኛ ያልሆነ/ነች፤ እንዲሁም የማንኛውም የፋይናንስ ተቋም ዋና ሥራ አስፈፃሚ ወይም የዳይሬክተሮች ቦርድ አባል ያልሆነ/ነች፤
    3. ተጠቋሚው የሕግ ሰውነት ያለው ድርጅት ከሆነ ድርጅቱን ወክሎ የዳይሬክተሮች ቦርድ አባል ለመሆን የሚወዳደረው የተፈጥሮ ሰው ማንነትና የትምህርት ደረጃ እንዲሁም ሌሎች አስፈላጊ ነገሮች ሁሉ መጥቀስ፤
    4. የቡና ባንክ አ.ማ የዳይሬክተሮች ቦርድ አስመራጭ ኮሚቴ አባል ያልሆነ/ነች፤
    5. ቡና ባንክ አክሲዮን ማህበርን ለስድስት ተከታታይ ዓመታት በቦርድ አባልነት አገልግለው ከቦርድ አባልነት የለቀቁ ከሆነ ከለቀቁበት ጊዜ ጀምሮ ስድስት ዓመታት የሆናቸው (የሞላቸው)፤
    6. በሕዝብ ዘንድ ተአማኒነት ያለው/ያላት እና የጸዳ የፋይናንስ አቋም ያለው/ያላት፤
    7. በሕዝብ ዘንድ መልካም ሥነምግባር፣ ማሕበራዊ ተቀባይነት ያለው/ያላት እና ሕግን በመተላለፍ በኢትዮጵያም ሆነ በውጭ አገራት በወንጀል በመከሰስ ተፈርዶበት/ባት የማያውቅ/የማታውቅ፤
    8. ለመንግሥት ባለሥልጣናት መረጃን በመከልከል፤ የተሳሳቱ የሂሳብ ወይም ሌሎች ሰነዶችን በመስጠት የተቆጣጣሪ አካላትን መመሪያዎች ባለመቀበል እና ባለመገዛት በመንግሥት ባለሥልጣናት አስተዳደራዊ የእርምት እርምጃዎች ተወስዶበት/ባት የማያውቅ/የማታውቅ፤
    9. የንግድ ሥራን ከመተግበር ወይም ድርጅትን ከመምራት አኳያ በፍርድ ቤት የመክሰር ውሳኔ ያልተላለፈበት/ባት፣ ከታክስ እና ከባንክ ክፍያዎች ጋር በተያያዘ ግዴታዎቹን/ቿን በአግባቡ የተወጣ/ች መሆን ይኖርባቸዋል፡፡

    ለበለጠ መረጃ በስልክ ቁጥር 011-8-722845 ወይም በ011-1-264357 በመደወል ባለአክሲዮኖች ማብራሪያ ማግኘት ይችላሉ፡፡

    ማሳሰቢያ፤

    አስመራጭ ኮሚቴው ከሐምሌ 01 ቀን 2013 ዓ.ም በፊትም ሆነ ከጥቅምት 01 ቀን 2014 ዓ.ም በኋላ የሚቀርቡ ጥቆማዎችን የማይቀበል መሆኑን ከወዲሁ ያሳስባል፡፡

    NameDownloads
    እጩ መጠቆሚያ ቅጽ

    የቡና ባንክ አ.ማ

    የዳይሬክተሮች ቦርድ አባላት አስመራጭ ኮሚቴ

     

    Bunna Bank