New to site?


Login

Lost password? (X)

Already have an account?


Signup

(X)
Farooq

ቡና ባንክ ለመምህራን እና ለጤና ባለሞያዎች ያዘጋጀውን የሎተሪ እጣ አወጣ

HomeNewsቡና ባንክ ለመምህራን እና ለጤና ባለሞያዎች ያዘጋጀውን የሎተሪ እጣ አወጣ
21
Sep
ቡና ባንክ ለመምህራን እና ለጤና ባለሞያዎች ያዘጋጀውን የሎተሪ እጣ አወጣ
  • Author
    Genet Fekade
  • Comments
    0 Comments
  • Category

የቤት መኪና አሸናፊው የምእራብ መርካቶ ቅርንጫፍ ደንበኛ ሆነዋል

==========

መስከረም 11 ቀን 2014 ዓ.ም

ቡና ባንክ ለመጀመሪያ ጊዜ ያዘጋጀው መምህራንን እና የጤና ባለሞያዎችን ተሳታፊ ያደረገው የሎተሪ እጣ መስከረም 11 ቀን 2014 ዓ.ም በብሄራዊ ሎተሪ በዕድል አዳራሽ በህዝብ ፊት በይፋ ወጥቷል፡፡

ይህ የሃገር ባለውለታዎችን ለማስታወስና የቁጠባ ባህልን ለማዳበር ታልሞ በባንኩ የተዘጋጀው የመምህራን እና የጤና ባለሞያዎች የመጀመሪው ዙር ፕሮግራም በሁሉም ደረጃ ላይ የሚገኙ መምህራን እና የጤና ባለሙያዎችን ተሳታፊ ያደረገ አዲስ የቁጠባ መርሃ ግብር ነው፡፡

የቡና ባንክ ስትራቴጂ ዋና ኦፊሰር አቶ መንክር ሃይሉ የእጣ አወጣጥ ስነስርአቱን በይፋ ሲከፍቱ እንደገለጹት ትምህርትና ጤና የአንድ ሃገር የዕድገት ማስቀጠያ ምሰሶዎች ናቸው።ሃገር ጤናማ ስርዓት ገንብታ ወደዕድገት የምታመራው አንድም በዕውቀት የታነጸ ፣ በሌላ በኩልም ጤናው የተጠበቀ ዜጋ ሲኖራት ነው። መምህራን እና የጤና ባለሙያዎች ትውልድን በእውቀት የማነጽ እና የህዝብን ጤና የመጠበቅን ከባድ ሃላፊነት ደከመኝ ሰለቸኝ ሳይሉ የሚሸከሙ ምሰሶዎች መሆናቸውን ቡና ባንክ በጽኑ ያምናል ብለዋል፡፡

“ቡና ባንክ የሃገር ባለውለታዎች ናቸው ብሎ የሚያምንባቸውን በእነዚህ ሁለት የሙያ ዘርፍ ላይ የሚገኙ ባለሙያዎች ታሳቢ የደረገ የመጀመሪያውን ዙር “የመምህራንና የጤና ባለሙያዎች የቁጠባ እና ሽልማት መርሃ ግብር” ቀርጾ ላለፉት ወራት ተግባራዊ ሲያደርግ ቆይቷል።

ባንኩ እነዚህ የሃገር ባለውለታዎች አንድም የቁጠባ ባህላቸውን እያሳደጉ የባንኩ አገልግሎቶች ተጠቃሚ እንዲሆኑ ፣ በሌላ በኩልም በመቆጠባቸው ብቻ ተሸላሚ መሆን የሚችሉበት መርሃ ግብር ከመዘርጋት በተጨማሪ በተጠቃሚዎቹ አስተያየት በመበረታታት ቀጣይ ለነዚህ የህብረተሰብ ክፍሎች የሚሆኑ ልዩ ልዩ የባንክ አገልግሎቶችን ቀርጾ ተግባራዊ ለማድረግ በመስራት ላይ ይገኛል” ሲሉ አክለዋል፡፡

በዛሬው እለት በብሄራዊ ሎተሪ አዳራሽ በተካሄደው የእጣ ማውጣት ስነስርአት የምእራብ መርካቶ ቅርንጫፍ ደንበኛ የሆኑት መምህር በ 0213817 የሎተሪ ቁጥር የ2020 ሞዴል ሱዙኪ ዲዛየር መኪና አሸናፊ ሆነዋል፡፡

በየደረጃው ለሽልማት የተዘጋጁ 12 ላፕቶፖች፣ 12 ታብሌቶች፣ 24 ስማርት የሞባይል ስልኮች እንዲሁም 6 የእረፍት ጊዜ ሽርሽር ሙሉ ወጪ የተሸፈነላቸው የታሪካዊ ቦታዎች ጉብኝት ፓኬጆች ለእድለኞች ደርሰዋል፡፡

ቡና ባንክ አ.ማ ከ12 ዓመታት በፊት የተቋቋመና ከ311 በላይ በደረሱ ቅርንጫፎቹ በኢትዮጵያ ሁሉም ክልሎች አገልግሎት በመስጠት ላይ የሚገኝ የግል ባንክ ሲሆን ከ13ሺህ በላይ በሆኑ ባለአክሲዮኖች ባለቤትነት የሚተዳደርና በሃገሪቱ ከሚገኙ ባንኮች ውስጥ የብዙሃን ባንክ ተብሎ በመጠራት በግንባር ቀደምትነት የሚጠቀስ የግል ባንክ ነው።

ባንኩ ከ 1.5 ሚሊዮን በላይ ለደረሱ ደንበኞቹ ቀልጣፋ የባንክ አገልግሎት በመስጠትና በየጊዜው አዳዲስ ደንበኞችን በማፍራት በብዙ የህብረተሰብ ክፍሎች ዘንድ ተዓማኒነትን ያተረፈ ባንክ ሲሆን ከሚለይባቸው ተግባራት አንዱና ዋናው የተለያዩ የህብረተሰብ ክፍሎችን ያማከለ፣ ፍላጎትና አቅማቸውን ያገናዘበ የልዩ ቁጠባና ብድር አገልግሎቶችን ማመቻቸቱ ነው።

Tags:

    Bunna Bank