New to site?


Login

Lost password? (X)

Already have an account?


Signup

(X)
Farooq

ቡና ባንክ ደንበኞቹን ሸለመ

HomeNewsቡና ባንክ ደንበኞቹን ሸለመ
26
May
ቡና ባንክ ደንበኞቹን ሸለመ
  • Author
    Genet Fekade
  • Comments
    0 Comments
  • Category

ከ80 ሺህ በላይ የታክሲና ባጃጅ አሽከርካሪና ባለንብረቶችን ደንበኛ ማድረግ ችሏ

 (ግንቦት 18 ቀን 2013 . አዲስ አበባ

ቡና  ባንክ ላለፉት ወራት ሲያካሂድ የቆየውን የስምንተኛውን ዙር “የውጭ ምንዛሬ ይቀበሉ ፣ይመንዝሩ ይሸለሙ” እና የአምስተኛውን ዙር “የታክሲና ባለሶስት እግር ተሽከርካሪ ሹፌሮችና ባለንብረቶች ቁጠባ” መርሃ ግብሮች ማጠናቀቂያ ምክንያት በማድረግ ዕጣ ለወጣላቸው ደንበኞቹ ያዘጋጃቸውን ሽልማቶች በዛሬው ዕለት አስረክቧል።

ባንኩ ግንቦት 18 ቀን 2013 ዓ.ም በባንኩ ዋና መስሪያ ቤት ባካሄደው በዚሁ የሽልማት አሰጣጥ ስነስርዓት ላይ በሁለቱም ፕሮግራሞች የዕጣ አሸናፊዎች ለሆኑት ባለዕድሎች የአውቶሞቢሎች፣ የባለሶስት እግር ተሽከርካሪዎች ፣ የዘመናዊ ሶፋዎች፣ የስማርት ስልኮች ፣ የፍላት ስክሪን ቴሌቪዠኖች እና የውሃ ማጣሪያዎች በሽልማት አበርክቷል።

ደንበኞች ከውጭ የሚላክላቸውን የውጭ ምንዛሪ በቡና ባንክ ቅርንጫፎች በኩል ሲቀበሉና ሲመነዝሩ የሽልማት ተጠቃሚ የሚሆኑባቸውን የዕጣ ኩፖኖች የሚቀበሉበት አሰራር የዘረጋው ቡና ባንክ ባለፉት ወራት ባካሄዳቸው ስምንት ዙሮች የዕጣ ኩፖኖችን በማዘጋጀት በባንኩ በኩል የውጭ ምንዛሪ የሚቀበሉና የሚመነዝሩ ደንበኞቹን ሲሸልም ቆይቷል።

የዛሬው ሽልማት የ8ኛው ዙር የይቀበሉ ፣ ይመንዝሩ ፣ ይሸለሙ መርሃ ግብር ማጠናቀቂያ ሲሆን  የዕጣ ባለእድል ለሆኑት ደንበኞቹም  ለአንደኛ ዕጣ ዘመናዊ የ2020 ሱዙኪ ዲዛየር የቤት አውቶሞቢል ፣ለሁለተኛ ዕጣ አምስት የውሃ ማጣሪያዎች ሶስተኛ ዕጣ አምስት ፍላት ስክሪን ቴሌቪዠኖች እና አራተኛ ዕጣ አስር ስማርት ሞባይል ቀፎዎችን ለባለዕድሎች አዘጋጅቶ አስረክቧል።

የባንኩ ቺፍ ስትራተጂ ኦፊሰር አቶ መንክር ሃይሉ ለባለዕድሎች ሽልማት በሰጡበት ወቅት እንደተናገሩት “የውጭ ምንዛሪ ይቀበሉ ይሸለሙ መርሃ ግብር በህጋዊ መንገድ የሚካሄድ የውጭ ምንዛሪ ለውጥን በማበረታታት ሃገሪቱ ልታገኝ የምትችለውን ጥቅም በማረጋገጥ ረገድ አይነተኛ ድርሻ እንዳለው ቡና ባንክ ያምናል” ብልዋል።

በተመሳሳይም ቡና ባንክ የታክሲና ባለሶስት እግር ተሽከርካሪዎች ባለንብረቶችና ሹፌሮች የቁጠባ ሂሳብ በመክፈት የየዕለት ቁጠባ ልምዳቸውን እንዲያዳብሩና ነገ ያሰቡበት ራዕይ ላይ እንዲደርሱ የተመቻቸ የቁጠባ አገልግሎት በማዘጋጀት ብዙዎችን ተጠቃሚ አድርጓል።

ባንኩ በቋሚነት በሚሰጠው በዚህ አገልግሎት በሃገራችን ለመጀመሪያ ጊዜ የዕለት ገቢ ያላቸውን የታክሲና ባለሶስት እግር ተሽከርካሪዎች ባለንብረቶችና ሹፌሮች  የቁጠባ ባህል ለማሳደግ ለአምስት  ተከታታይ ዙሮች ተጠቃሚዎችን በስፋት ለማካተት የሚያስችሉ ተግባራት አከናውኗል።

እንደአቶ መንክር ሃይሉ ገለጻ ይህ የቁጠባ መርሃ ግብር ባንኩ ከፍተኛ ውጤት ያስመዘገበበት አገልግሎት ነው። “ይህ የታክሲና ባለሶስት እግር ተሽከርካሪዎች ሹፌሮችና ባለንብረቶች የቁጠባ መርሃ ግብር  ቡና ባንክ የማበረታቻ ሽልማቶችን በማዘጋጀት ለመጀመሪያ ጊዜ ተግባራዊ ያደረገው የቁጠባ አገልግሎት ነው። እስካሁን በተካሄዱት አምስት ዙሮች 49 ሺህ 37 የታክሲና ሜትር ታክሲ አሽከርካሪና ባለንብረቶች እንዲሁም 31 ሺህ 498 የባለሶስት እግር አሽከርካሪና ባለንብረቶች በድምሩ  80 ሺህ 535 አሽከርካሪዎችና ባለንብረቶች በየቀኑ የሚያገኙትን ገቢ በመቆጠብ የቁጠባ ባህላቸውን እንዲያዳብሩና ለተሻለ ህይወት እንዲጥሩ ባንኩ መሰረት ጥሎላቸዋል። ከነዚህ መካከልም የአሁኑን ጨምሮ በአምስት ዙሮች የይቆጥቡ ይሸለሙ መርሃ ግብሩ ላይ ተካፋይ ሆነው ዕጣ ለወጣላቸው ዕድለኞች   ዘመናዊ አውቶሞቢሎችንና ባለሶስት እግር ተሽከርካሪዎችን ጨምሮ ቴሌቪዠኖችን፣ ስማርት ስልኮችንና በርካታ ሽልማቶችን በመስጠት ቁጠባን ባህላቸው እንዲያደርጉ የበኩሉን አስተዋዕዖ አበርክቷል” ብለዋል።

የ9ኛው ዙር የውጭ ምንዛሪ ይቀበሉ፣ ይመንዝሩ፣ ይሸለሙ መርሃ ግብር በቅርቡ ተጀምሮ በሂደት ላይ ሲሆን 6ኛው ዙር የታክሲና ባለሶስት እግር ተሽከርካሪዎች ሹፌሮችና  ባለንብረቶች የቁጠባ መርሃ ግብር ደግሞ መካከለኛና ከፍተኛ የትራንስፖርት ተሽከርካሪ ባለቤቶችና አሽከርካሪዎችን አካትቶ በቅርቡ እንደሚጀመርም ቺፍ ስትራተጂ ኦፊሰሩ አቶ መንክር ሃይሉ አስታውቀዋል።

“ደንበኞች የአገልግሎቱም የማበረታቻ ሽልማቱም ተጠቃሚ እንዲሆኑ ቡና ባንክ  በዚህ አጋጣሚ ይጋብዛል” ነው ያሉት አቶ መንክር።

ከተመሰረተ 11 ዓመታት ያስቆጠረው ቡና ኢንተርናሽናል ባንክ በአዲስ አበባና በመላው ኢትዮጵያ በከፈታቸው 284 ቅርንጫፎቹ ለህብረተሰቡ ቀልጣፋ አገልግሎት በመስጠት ላይ የሚገኝ የግል ባንክ ነው።

Tags:

           ቡና ባንክ .

          BUNNA BANK S.C

    ለቡና ባንክ አ.ማ ባለአክስዮኖች በሙሉ

    ዕጩ የዳይሬክተሮች ቦርድ አባላትን ጥቆማ ለመቀበል ተሻሽሎ የወጣ ማስታወቂያ

    የቡና ባንክ አ.ማ የባለአክስዮኖች ጠቅላላ ጉባዔ ታህሳስ 11 ቀን 2013 ዓ.ም ባካሄደው 11ኛ መደበኛ ስብሰባው ያቋቋመው “የዳይሬክተሮች ቦርድ አባላት ጥቆማና አስመራጭ ኮሚቴ” ከሐምሌ 01 ቀን 2013 ዓ.ም ጀምሮ የዕጩ ጥቆማዎችን በመቀበል ላይ የሚገኝ ሲሆን የቦርድ አባላትን ለመጠቆም የሚያስችለውን የጥቆማ መሙያ ቅጽ ከቡና ባንክ አ.ማ ድረ-ገጽ https://www.bunnabanksc.com ወይም አዲስ አበባ ቦሌ መንገድ ሩዋንዳ መታጠፊያ የባንኩ ዋና መስሪያ ቤት 8ኛ ፎቅ ከሚገኘው የኮሚቴው ጽ/ቤት ወይም ከባንኩ ቅርንጫፎች ማግኘት ይቻላል፡፡

    ስለሆነም ባለአክስዮኖች ለዳይሬክተሮች የቦርድ አባልነት ብቁ የሆኑትን ፤ ለባንኩ ሁለንተናዊ ዕድገት ከፍተኛ አስተዋፅኦ ማበርከት የሚችሉትን እና ከታች የተዘረዘሩትን መስፈርቶች የሚያሟሉትን ዕጩዎች በቅፁ ላይ በጥንቃቄ በመሙላት እስከ ጥቅምት 01 ቀን 2014 ዓ.ም ድረስ ብቻ ከላይ በተገለፀው የኮሚቴው ጽ/ቤት በአካል በማቅረብ ወይም አድራሻውን ለቡና ባንክ አ.ማ የዳይሬክተሮች ቦርድ አባላት ጥቆማና አስመራጭ ኮሚቴ በማለት በባንኩ የፓ.ሣ.ቁጥር 1743 ኮድ 1110 በአደራ ደብዳቤ በመላክ ወይም የተሞላውን ቅጽ ስካን በማድረግ ለዚሁ ዓላማ በተዘጋጀው በባንኩ ኢሜይል bibnomination@bunnabanksc.com አያይዛችሁ በመላክ ለባንኩ ዕድገት የበኩላችሁን አስተዋፅኦ እንድታደርጉ ጥሪያችንን እናቀርባለን፡፡

    ተጠቋሚ ዕጩ የዳይሬክተሮች ቦርድ አባላት የሚከተሉትን መስፈርቶች ማሟላት ይጠበቅባቸዋል፡-

    1. በዜግነት ኢትዮጵያዊ/ት ወይም የውጭ ሀገር ዜግነት ካለው/ላት በትውልድ ኢትዮጵያዊ/ት የሆነ/ች፤
    2. ዕድሜው/ዋ 30 ዓመት ወይም ከዚያ በላይ የሆነ/ች፤
    3. የዳይሬክተሮች የቦርድ አባል ሆኖ ቢመረጥ /ሆና ብትመረጥ ለመስራት ፈቃደኛ የሆነ/ች፤
    4. ከታወቀ የከፍተኛ የትምህርት ተቋም ቢያንስ በመጀመሪያ ዲግሪ ወይም በአቻ የትምህርት ደረጃ የተመረቀ/ች፤
    5. የዳይሬክተሮች የቦርድ አባላት ስብስብ በባንክ ስራ፣ በፋይናንስ፣ በአካውንቲንግ፣ በማኔጅመንት፣ በኢኮኖሚክስ፣ በሕግ፣ በቢዝነስ አስተዳደር ፣ በኦዲቲንግ ፣ በኢንፎርሜሽን ቴክኖሎጂ ወይም በኢንቨስትመንት ማኔጅመንት መሠረታዊ ክህሎትን /ችሎታን ያካተተ እና የፆታ ስብጥርን ያገናዘበ ቢሆን ይመረጣል፤
    6. የፋይናንስ ድርጅት የቦርድ ዳይሬክተር ያልሆነ/ች ወይም ዳይሬክተሩ/ሯ 10% ወይም ከዚያ በላይ የባለቤትነት ድርሻ ያልያዘበት/ችበት የንግድ ድርጅት፤
    7. የማንኛውም ባንክ ተቀጣሪ ሠራተኛ ያልሆነ/ች፤
    8. የቡና ባንክ አ.ማ የዳይሬክተሮች ቦርድ ጥቆማና አስመራጭ ኮሚቴ አባል ያልሆነ/ች፤
    9. በግሉ/ሏ ወይም ሌላ ባለአክስዮንን በመወከል በቡና ባንክ አ.ማ ውስጥ ለተከታታይ ስድስት ዓመታት በቦርድ አባልነት አገልግሎ/ላ ከሆነ/ች ከለቀቀበት/ችበት ጊዜ ጀምሮ ስድስት ዓመታት ያለፈው/ፋት፤
    10. በብሔራዊ ባንክ እምነት መሰረት ታማኝ ፣ ሐቀኛ፣ ጠንቃቃ እና መልካም ዝና ያለው/ላት፤
    11. መልካም የፋይናንስ ታሪክና አቋም ያለው/ያላት ፤ የንግድ ሥራን ከመተግበር ወይም ድርጅትን ከመምራት አኳያ በፍርድ ቤት የመክሰር ውሳኔ ያልተላለፈበት/ባት፣ ከታክስ እና ከባንክ ክፍያዎች ጋር በተያያዘ ግዴታዎቹን/ቿን በአግባቡ የተወጣ/ች፤
    12. መልካም ስነምግባር ያለው/ላት፣ከዚህ በፊት በንግድ ማህበር አደራጅነት፣ ዳይሬክተርነት፣ ስራ አስኪያጅነት፣ተቆጣጣሪነት፣ኦዲተርነት ወይም በሌሎች የአመራር ኃላፊነቶች ላይ ተመድቦ/ባ ሲሰራ/ስትሰራ ከኃላፊነቱ/ቷ ጋር በተያያዘ ወይም በማናቸውም ሌላ ሁኔታ በኢትዮጵያ ውስጥም ሆነ ከኢትዮጵያ ውጭ በእምነት ማጉደል፣ በስርቆት ፣ በማጭበርበር፣ በውንብድና ወይም በሌላ ለቦርድ አባልነት ብቁ በማያደርግ ተመሳሳይ ወንጀል በፍ/ቤት ተከሶ/ሳ የጥፋተኝነት ውሳኔ ያልተሰጠበት/ባት፤
    13. ከመንግስት ባለስልጣናት መረጃን በመደበቅ፣ የተሳሳቱ የሂሳብ ወይም ሌሎች ሰነዶችን በመስጠት፣ የተቆጣጣሪ አካላትን ማረጋገጫዎች ባለመቀበል፣ መስፈርቶችን ባለማሟላት ፣ የእርምት ወይም የማስተካከያ እርምጃዎችን ባለመውሰድ ሪከርድ የሌለበት/ባት፤
    14. በኢትዮጵያ ውስጥም ሆነ በውጭ ሃገር በሚገኝ በማናቸውም በፈረሰ ባንክ ውስጥ ዳይሬክተር የነበረ/ች ከሆነ በቅድሚያ ከብሔራዊ ባንክ የጽሁፍ ፈቃድ ማቅረብ የሚችል/ ምትችል፤
    15. ዕጩ ተጠቋሚው በሕግ የሰውነት መብት የተሰጠው ድርጅት ከሆነ፤ ድርጅቱን ወክሎ የሚያገለግል ቋሚ ተወካይ (የተፈጥሮ ሰው) መመደብ ያለበት ሲሆን ይህ ተወካይ ሁሉንም መስፈርቶች ማሟላት ይጠበቅበታል፤
    16. መስፈርቱን የሚያሟሉ ሴት ዕጩዎች ይበረታታሉ፤

     

    ለበለጠ መረጃ ባለአክስዮኖች በስልክ ቁጥር 011-8-722845/011-1-264357 ደውለው ማብራሪያ ማግኘት ይችላሉ፡፡

     

    ማሳሰቢያ፤

    ኮሚቴው ከጥቅምት 01 ቀን 2014 . በኋላ የሚቀርቡ ጥቆማዎችን የማይቀበል መሆኑን ከወዲሁ ያሳስባል!!!

    NameDownloads
    እጩ መጠቆሚያ ቅጽ

    የቡና ባንክ አ.ማ

    የዳይሬክተሮች ቦርድ አባላት አስመራጭ ኮሚቴ

    Bunna Bank