New to site?


Login

Lost password? (X)

Already have an account?


Signup

(X)
Farooq

ቡና ኢንተርናሽናል ባንክ ያዘጋጃቸውን ሽልማቶች ለደንበኞቹ አስረከበ

HomeNewsቡና ኢንተርናሽናል ባንክ ያዘጋጃቸውን ሽልማቶች ለደንበኞቹ አስረከበ
27
Oct
ቡና ኢንተርናሽናል ባንክ ያዘጋጃቸውን ሽልማቶች ለደንበኞቹ አስረከበ
  • Author
    Genet Fekade
  • Comments
    0 Comments
  • Category

 (ጥቅምት  17 ቀን 2013 . አዲስ አበባ) 

ቡና ኢንተርናሽናል ባንክ ላለፉት ወራት ሲያካሂድ የቆየውን የሰባተኛውን  ዙር የውጭ ምንዛሬ ይቀበሉ ይሸለሙ ፕሮግራም እና የአራተኛውን ዙር የታክሲና ባጃጅ የሹፌሮችና ባለንብረቶች የቁጠባ መርሃ ግብር ፕሮግራም ማጠናቀቂያ ምክንያት በማድረግ ዕጣ ለወጣላቸው ደንበኞቹ ያዘጋጃቸውን ሽልማቶች በዛሬው ዕለት አስረክቧል።

ባንኩ ጥቅምት 17 ቀን 2013 ዓ.ም በባንኩ ዋና መስሪያ ቤት ባካሄደው በዚሁ የሽልማት አሰጣጥ ስነስርዓት ላይ በሁለቱም ፕሮግራሞች የእጣ አሸናፊዎች ለሆኑት ባለእድሎች የአውቶሞቢሎች፣ የባጃጆች፣ የስማርት ቴሌቪዠኖች፣ የስማርት ስልኮች እና ዲኤስቲቪ ዲኮደሮች ሽልማት አበርክቷል።

ደንበኞች ከውጭ የሚላክላቸውን የውጭ ምንዛሪ በቡና ባንክ ቅርንጫፎች በኩል ሲቀበሉና ሲመነዝሩ የሽልማት ተጠቃሚ የሚሆኑባቸውን የዕጣ ኩፖኖች የሚቀበሉበት አሰራር የዘረጋው ቡና ባንክ ባለፉት ወራት ባካሄዳቸው ስድስት ዙሮች የዕጣ ኩፖኖችን በማዘጋጀት በባንኩ በኩል የውጭ ምንዛሪ የሚቀበሉና የሚመነዝሩ ደንበኞቹን ሲሸልም ቆይቷል።

የዛሬው ሽልማት የ7ኛው ዙር የይቀበሉ ይሸለሙ መርሃ ግብር ማጠናቀቂያ ሲሆን ሲሆን የዕጣ ባለእድል ለሆኑት ደንበኞቹም  ለአንደኛ ዕጣ ሱዙኪ የቤት አውቶሞቢል ፣ለሁለተኛ ዕጣ አምስት ፍላት ስክሪን ቴሌቪዠኖች፣ ሶስተኛ ዕጣ አምስት ስማርት ሞባይል ቀፎዎች እና አራተኛ ዕጣ አምስት የሳተላይት ዲኮደሮችን  ለባለእድሎች አዘጋጅቶ አስረክቧል።

ይኸው የውጭ ምንዛሪ ይቀበሉ ይሸለሙ መርሃ ግብር በህጋዊ መንገድ የሚካሄድ የውጭ ምንዛሪ ለውጥን በማበረታታት ሃገሪቱ ልታገኝ የምትችለውን ጥቅም በማረጋገጥ ረገድ አይነተኛ ድርሻ እንዳለው ቡና ኢንተርናሽናል ባንክ ያምናል።

በተመሳሳይም ባንኩ የታክሲና ባጃጅ አሽከርካሪዎችና ባለንብረቶች የቁጠባ ሂሳብ በመክፈት የየዕለት ቁጠባ ልምዳቸውን እንዲያዳብሩና ነገ ያሰቡበት ራዕይ ላይ እንዲደርሱ የተመቻቸ “የታክሲና ባጃጅ አሽከርካሪዎችና ባለንብረቶች ቁጠባ አገልግሎት”  በማዘጋጀት ብዙዎችን ተጠቃሚ አድርጓል።

በቋሚነት በባንካችን በሚሰጠው በዚህ አገልግሎት በሃገራችን ለመጀመሪያ ጊዜ የየዕለት ገቢ ያላቸውን የታክሲና የባጃጅ አሽከርካሪዎችና ባለንብረቶች የቁጠባ ባህል ለማሳደግ ነገን ከወዲሁ እንዲሰሩት የሚያስችል እድል ተከፍቶ ለአራት ተከታታይ ዙሮች ተጠቃሚዎችን በስፋት ለማካተት የሚያሰችሉ ተግባራት ተከናውነዋል።

ይህንን አገልግሎት የሚጠቀሙ ደንበኞችን ለማበረታታትም ባንኩ የዕጣ ኩፖኖችን በማዘጋጀት ላለፉት ሶስት ዙሮች የተለያዩ ዓይነት ሽልማቶችን አዘጋጅቶ ለእድለኞች አስረክቧል። በዛሬው አራተኛው ዙር ማጠናቀቂያ ፕሮግራምም በተመሳሳይ እጣ ለወጣላቸው እድለኞች ሱዙኪ የቤት አውቶሞቢል፣ ባለሶስት እግር ተሽከርካሪዎችና ዘመናዊ የሞባይል ቀፎዎችን ሸልሟል። 

የሁለቱም አገልግሎቶች ቀጣይ ዙር በቅርቡ ተጀምሮ በሂደት ላይ በመሆኑ ደንበኞች የአገልግሎቱም የማበረታቻ ዕጣውም ተጠቃሚ እንዲሆኑ ባንካችን በዚህ አጋጣሚ ይጋብዛል።

ባንኩ ወደፊትም መሰል የህብረተሰቡን የቁጠባ ባህል የሚያሳድጉና የውጭ ምንዛሪ ህጋዊ ዝውውርን የሚያበረታቱ የሽልማት ፕሮግራሞችን በተከታታይ ዙሮች እያዘጋጀ የተለመደ ቀልጣፋ አገልግሎቱን ለደንበኞቹ ማዳረሱን ይቀጥላል።

ከተመሰረተ 11 ዓመታት ያስቆጠረው ቡና ኢንተርናሽናል ባንክ በአዲስ አበባና በመላው ኢትዮጵያ በከፈታቸው 248 ቅርንጫፎቹ ለህብረተሰቡ ቀልጣፋ አገልግሎት በመስጠት ላይ የሚገኝ የግል ባንክ ነው።

Tags:

           ቡና ባንክ .

          BUNNA BANK S.C

    ለቡና ባንክ አ.ማ ባለአክስዮኖች በሙሉ

    ዕጩ የዳይሬክተሮች ቦርድ አባላትን ጥቆማ ለመቀበል ተሻሽሎ የወጣ ማስታወቂያ

    የቡና ባንክ አ.ማ የባለአክስዮኖች ጠቅላላ ጉባዔ ታህሳስ 11 ቀን 2013 ዓ.ም ባካሄደው 11ኛ መደበኛ ስብሰባው ያቋቋመው “የዳይሬክተሮች ቦርድ አባላት ጥቆማና አስመራጭ ኮሚቴ” ከሐምሌ 01 ቀን 2013 ዓ.ም ጀምሮ የዕጩ ጥቆማዎችን በመቀበል ላይ የሚገኝ ሲሆን የቦርድ አባላትን ለመጠቆም የሚያስችለውን የጥቆማ መሙያ ቅጽ ከቡና ባንክ አ.ማ ድረ-ገጽ https://www.bunnabanksc.com ወይም አዲስ አበባ ቦሌ መንገድ ሩዋንዳ መታጠፊያ የባንኩ ዋና መስሪያ ቤት 8ኛ ፎቅ ከሚገኘው የኮሚቴው ጽ/ቤት ወይም ከባንኩ ቅርንጫፎች ማግኘት ይቻላል፡፡

    ስለሆነም ባለአክስዮኖች ለዳይሬክተሮች የቦርድ አባልነት ብቁ የሆኑትን ፤ ለባንኩ ሁለንተናዊ ዕድገት ከፍተኛ አስተዋፅኦ ማበርከት የሚችሉትን እና ከታች የተዘረዘሩትን መስፈርቶች የሚያሟሉትን ዕጩዎች በቅፁ ላይ በጥንቃቄ በመሙላት እስከ ጥቅምት 01 ቀን 2014 ዓ.ም ድረስ ብቻ ከላይ በተገለፀው የኮሚቴው ጽ/ቤት በአካል በማቅረብ ወይም አድራሻውን ለቡና ባንክ አ.ማ የዳይሬክተሮች ቦርድ አባላት ጥቆማና አስመራጭ ኮሚቴ በማለት በባንኩ የፓ.ሣ.ቁጥር 1743 ኮድ 1110 በአደራ ደብዳቤ በመላክ ወይም የተሞላውን ቅጽ ስካን በማድረግ ለዚሁ ዓላማ በተዘጋጀው በባንኩ ኢሜይል bibnomination@bunnabanksc.com አያይዛችሁ በመላክ ለባንኩ ዕድገት የበኩላችሁን አስተዋፅኦ እንድታደርጉ ጥሪያችንን እናቀርባለን፡፡

    ተጠቋሚ ዕጩ የዳይሬክተሮች ቦርድ አባላት የሚከተሉትን መስፈርቶች ማሟላት ይጠበቅባቸዋል፡-

    1. በዜግነት ኢትዮጵያዊ/ት ወይም የውጭ ሀገር ዜግነት ካለው/ላት በትውልድ ኢትዮጵያዊ/ት የሆነ/ች፤
    2. ዕድሜው/ዋ 30 ዓመት ወይም ከዚያ በላይ የሆነ/ች፤
    3. የዳይሬክተሮች የቦርድ አባል ሆኖ ቢመረጥ /ሆና ብትመረጥ ለመስራት ፈቃደኛ የሆነ/ች፤
    4. ከታወቀ የከፍተኛ የትምህርት ተቋም ቢያንስ በመጀመሪያ ዲግሪ ወይም በአቻ የትምህርት ደረጃ የተመረቀ/ች፤
    5. የዳይሬክተሮች የቦርድ አባላት ስብስብ በባንክ ስራ፣ በፋይናንስ፣ በአካውንቲንግ፣ በማኔጅመንት፣ በኢኮኖሚክስ፣ በሕግ፣ በቢዝነስ አስተዳደር ፣ በኦዲቲንግ ፣ በኢንፎርሜሽን ቴክኖሎጂ ወይም በኢንቨስትመንት ማኔጅመንት መሠረታዊ ክህሎትን /ችሎታን ያካተተ እና የፆታ ስብጥርን ያገናዘበ ቢሆን ይመረጣል፤
    6. የፋይናንስ ድርጅት የቦርድ ዳይሬክተር ያልሆነ/ች ወይም ዳይሬክተሩ/ሯ 10% ወይም ከዚያ በላይ የባለቤትነት ድርሻ ያልያዘበት/ችበት የንግድ ድርጅት፤
    7. የማንኛውም ባንክ ተቀጣሪ ሠራተኛ ያልሆነ/ች፤
    8. የቡና ባንክ አ.ማ የዳይሬክተሮች ቦርድ ጥቆማና አስመራጭ ኮሚቴ አባል ያልሆነ/ች፤
    9. በግሉ/ሏ ወይም ሌላ ባለአክስዮንን በመወከል በቡና ባንክ አ.ማ ውስጥ ለተከታታይ ስድስት ዓመታት በቦርድ አባልነት አገልግሎ/ላ ከሆነ/ች ከለቀቀበት/ችበት ጊዜ ጀምሮ ስድስት ዓመታት ያለፈው/ፋት፤
    10. በብሔራዊ ባንክ እምነት መሰረት ታማኝ ፣ ሐቀኛ፣ ጠንቃቃ እና መልካም ዝና ያለው/ላት፤
    11. መልካም የፋይናንስ ታሪክና አቋም ያለው/ያላት ፤ የንግድ ሥራን ከመተግበር ወይም ድርጅትን ከመምራት አኳያ በፍርድ ቤት የመክሰር ውሳኔ ያልተላለፈበት/ባት፣ ከታክስ እና ከባንክ ክፍያዎች ጋር በተያያዘ ግዴታዎቹን/ቿን በአግባቡ የተወጣ/ች፤
    12. መልካም ስነምግባር ያለው/ላት፣ከዚህ በፊት በንግድ ማህበር አደራጅነት፣ ዳይሬክተርነት፣ ስራ አስኪያጅነት፣ተቆጣጣሪነት፣ኦዲተርነት ወይም በሌሎች የአመራር ኃላፊነቶች ላይ ተመድቦ/ባ ሲሰራ/ስትሰራ ከኃላፊነቱ/ቷ ጋር በተያያዘ ወይም በማናቸውም ሌላ ሁኔታ በኢትዮጵያ ውስጥም ሆነ ከኢትዮጵያ ውጭ በእምነት ማጉደል፣ በስርቆት ፣ በማጭበርበር፣ በውንብድና ወይም በሌላ ለቦርድ አባልነት ብቁ በማያደርግ ተመሳሳይ ወንጀል በፍ/ቤት ተከሶ/ሳ የጥፋተኝነት ውሳኔ ያልተሰጠበት/ባት፤
    13. ከመንግስት ባለስልጣናት መረጃን በመደበቅ፣ የተሳሳቱ የሂሳብ ወይም ሌሎች ሰነዶችን በመስጠት፣ የተቆጣጣሪ አካላትን ማረጋገጫዎች ባለመቀበል፣ መስፈርቶችን ባለማሟላት ፣ የእርምት ወይም የማስተካከያ እርምጃዎችን ባለመውሰድ ሪከርድ የሌለበት/ባት፤
    14. በኢትዮጵያ ውስጥም ሆነ በውጭ ሃገር በሚገኝ በማናቸውም በፈረሰ ባንክ ውስጥ ዳይሬክተር የነበረ/ች ከሆነ በቅድሚያ ከብሔራዊ ባንክ የጽሁፍ ፈቃድ ማቅረብ የሚችል/ ምትችል፤
    15. ዕጩ ተጠቋሚው በሕግ የሰውነት መብት የተሰጠው ድርጅት ከሆነ፤ ድርጅቱን ወክሎ የሚያገለግል ቋሚ ተወካይ (የተፈጥሮ ሰው) መመደብ ያለበት ሲሆን ይህ ተወካይ ሁሉንም መስፈርቶች ማሟላት ይጠበቅበታል፤
    16. መስፈርቱን የሚያሟሉ ሴት ዕጩዎች ይበረታታሉ፤

     

    ለበለጠ መረጃ ባለአክስዮኖች በስልክ ቁጥር 011-8-722845/011-1-264357 ደውለው ማብራሪያ ማግኘት ይችላሉ፡፡

     

    ማሳሰቢያ፤

    ኮሚቴው ከጥቅምት 01 ቀን 2014 . በኋላ የሚቀርቡ ጥቆማዎችን የማይቀበል መሆኑን ከወዲሁ ያሳስባል!!!

    NameDownloads
    እጩ መጠቆሚያ ቅጽ

    የቡና ባንክ አ.ማ

    የዳይሬክተሮች ቦርድ አባላት አስመራጭ ኮሚቴ

    Bunna Bank