New to site?


Login

Lost password? (X)

Already have an account?


Signup

(X)
Farooq

አራተኛው ዙር የታክሲ እና ባጃጅ ሹፌሮች እና ባለንብረቶች ዕለታዊ የቁጠባ ማበረታቻ ሽልማት ሎተሪ ዕጣ ወጣ

HomeNewsአራተኛው ዙር የታክሲ እና ባጃጅ ሹፌሮች እና ባለንብረቶች ዕለታዊ የቁጠባ ማበረታቻ ሽልማት ሎተሪ ዕጣ ወጣ
20
Aug
አራተኛው ዙር የታክሲ እና ባጃጅ ሹፌሮች እና ባለንብረቶች ዕለታዊ የቁጠባ ማበረታቻ ሽልማት ሎተሪ ዕጣ ወጣ
  • Author
    Genet Fekade
  • Comments
    0 Comments
  • Category

የቤት መኪና አሸናፊው የኮተቤ ቅርንጫፍ ደንበኛ ሆኗል

ቡና ኢንተርናሽናል ባንክ አ.ማ. ለአራተኛ ጊዜ ያዘጋጀው የታክሲ እና ባጃጅ ሹፌሮች እና ባለንብረቶች ዕለታዊ የቁጠባ ማበረታቻ ሽልማት የሎተሪ ዕጣ ነሀሴ 12 ቀን 2012 ዓ.ም በብሄራዊ ሎተሪ በዕድል አዳራሽ በህዝብ ፊት በይፋ ወጥቷል፡፡

ቡና ኢንተርናሽናል ባንክ በየአመቱ ከሚያካሂዳቸው የሴልስ ፕሮሞሽን መርሃ ግብሮች መካከል የታክሲ እና ባጃጅ ሹፌሮች እና ባለንብረቶች ዕለታዊ ቁጠባ የማበረታቻ ሽልማት ደንበኞቹን የሚያበረታታበትና የሚያተጋበት አንዱ ሲሆን፤ ባለፉት ሶስት ዙሮች የቆጣቢዎች ቁጥር ዕድገት እያሳዬ የመጣ እና በአራተኛው ዙር የታክሲ እና ባጃጅ ሹፌሮች እና ባለንብረቶች ቆጣቢዎች ቁጥር ወደ 42ሺ 744 መድረሱን እንዲሁም የተቀማጭ ገንዘባቸውም ከ236,478,800.30 በላይ መድረሱ ታውቋል፡፡

የቡና ኢንተርናሽናል ባንክ አ.ማ. ተ/ቺፍ ስትራቴጂ ኦፊሰር አቶ መንክር ሃይሉ የእጣ ማውጣት ስነስርዓቱን በይፋ ሲከፍቱ እንደገለጹት፤ቡና ኢንተርናሽናል ባንክ በአገሪቱ የፋይናንስ ኢንደስትሪ አይነተኛ ሚና በመጫወት ላይ የሚገኝ ባንክ መሆኑንና በዚህ ስኬታማ ጉዞው በመላ አገሪቱ በከፈታቸው ከ242 በላይ ቅርንቻፎቹ ለበርካቶች የስራ እድል በመፍጠርና ህብረተሰቡን በማገልገል በአገሪቱ የፋናንስ ዘርፍ አይነተኛ ሚና በመጫወት ተመራጭና ተወዳጅ ለመሆን የበቃ ህዝባዊ ባንክ ነው ብለዋል፡፡

ባንኩ ከሚሰጣቸው ፈጣን ፤ቀልጣፋና ዘመናዊ የባንክ አገልግሎቶች በተጨማሪ ደንበኞቹን የሚያበረታታበት የሎተሪ ሽልማቶችን በማዘጋጀት በርካቶች የዚህ ሽልማት ተካፋይ እንዲሆኑ ሲያደርግ መቆየቱን የገለጹት አቶ መንክር፤ የታክሲና ባጃጅ ሹፌሮችና ባለንብረቶች ወጣቶች በመሆናቸው የነገ ራዕያቸው የራሳቸውን ተሽከርካሪ ከመግዛት አንስቶ ወደፊት የሚያቅዱትን እድገት መስመር ለማሳካት ከባለራዕዮች ባንክ ጋር መስራታቸው ትክክለኛ ምርጫና ውሳኔ መሆኑን አስታውቀዋል፡፡

በዚሁ መሰረትም በትራንስፖርት ዘርፉ ላይ የተሰማሩ ወገኖች የቁጠባ ባህላቸውን እያሳደጉ ከባንኩ ጋር በመስራት ወደ ስኬታቸው እንዲሸጋገሩ ጥሪ ያቀረቡት አቶ መንክር፤በቀጣይ አምስተኛው ዙር የታክሲ እና ባጃጅ ሹፌሮች እና ባለንብረቶች ዕለታዊ ቁጠባን በቅርብ ቀን እንደሚቀጥል እና በሌሎችም ዘርፎች የተለያዩ የቁጠባ መርሃግብሮችን በሴልስ ፕሮሞሽን መርሃ ግብር ተዘጋጅተው ለገበያ እንደሚቀርቡ አስታውቀዋል፡፡

በእለቱ በተካሄደው የእጣ ማውጣት ስነስርዓት በአንደኛ ደረጃ ባለዕድል የሆኑትና የሱዙኪ ዲዛየር መኪና አሸናፊ የሆኑት የቡና ኮተቤ ቅርንጫፍ ደንበኛ ሲሆኑ፤በሁለተኛ ደረጃ የሶስት እግር ባጃጅ ተሽከርካሪዎች አሸናፊ የሆኑት የአዲሱ ገበያ እና የቤተል ቅርንጫፍ ደንበኞች መሆናቸውን ለማወቅ ተችሏል፡፡

የአስር ቅንጡ የሞባይል አፓራተስ አሸናፊ ደንበኞች በቅደም ተከተል የበሻሌ ቅርንጫፍ ሁለት ደንበኞች፤የካህን ሰፈር፤የበላይ ዘለቀ፤የአሰላ፤የአያት፤የአዲግራት፤የባህርዳር ጊዮን፤የመካኒሳ አቦ እና የባህርዳር ቅርንጫፍ ደንበኞች መሆናቸው ተገልጻል፡፡

የሰባተኛው ዘር የውጭ ምንዛሬ ማስገኛ የፕሮሞሽን ሎተሪ እጣ ነሀሴ 16 ቀን የሚጠናቀቅ ሲሆን፤የእጣ ማውጣት ስነስርዓቱም በቅርቡ የሚከናወን መሆኑን ከኮርፖሬት ኮምኒኬሽንና ፕሮሞሽን ዋ/ክ/ ሥራ አስኪያጅ አቶ አበባው ዘውዴ አስታውቀዋል፡፡

Tags:

    እጩ የዳይሬክተሮች ቦርድ አባላትን ጥቆማ ለመቀበል የወጣ ማስታወቂያ

    የቡና ባንክ አ.ማ የቦርድ አባላት ምርጫ የሚከናወነው የኢትዮጵያ ብሔራዊ ባንክ ባወጣው መመሪያ ቁጥር SBB/79/2021 እና SBB/71/2019 እንዲሁም በኩባንያው ባለአክሲዮኖች 11ኛ መደበኛ ጠቅላላ ጉባዔ ላይ በጸደቀው የቦርድ አባላት ጥቆማና ምርጫ አፈጻጸም የአሠራር ደንብ መሠረት ነው፡፡ እነዚህን መመሪያዎች መሠረት በማድረግ በቀጣይ ባንኩን በቦርድ አባልነት የሚመሩ አባላትን ለማስመረጥ ታህሳስ 11 ቀን 2013 ዓ.ም በተካሄደው የባለአክሲዮኖች 11ኛ መደበኛ ጠቅላላ ጉባዔ የቦርድ አባላት አስመራጭ ኮሚቴ መቋቋሙ ይታወሳል፡፡ በጠቅላላ ጉባኤው የተቋቋመው አስመራጭ ኮሚቴ እጩ የዳይሬክተሮች ቦርድ አባላት ጥቆማዎችን ለመቀበል ዝግጅቱን አጠናቋል፡፡

    ስለሆነም ባለአክሲዮኖች ለዳይሬክተሮች ቦርድ አባልነት ብቁ ናቸው ብላችሁ የምታምኑባቸውን እጩ የቦርድ አባላት ለመጠቆም የሚያስችላችሁን የጥቆማ መሙያ ወይም ማስፈሪያ ቅጽ በቡና ባንክ አ.ማ ድረ ገጽ https://www.bunnabanksc.com ወይም የባንኩ ዋና መሥሪያ ቤት በሚገኝበት ቦሌ መንገድ ሩዋንዳ መታጠፊያ አካባቢ ባለው የቡና ባንክ አ.ማ ሕንፃ 8 ፎቅ በሚገኘው የዳይሬክተሮች ቦርድ አስመራጭ ኮሚቴ ጽ/ቤት ቢሮ ወይም በባንኩ ቅርንጫፎች በአካል በመቅረብ ለጥቆማ መስጫ የተዘጋጀውን ቅጽ ማግኘት የምትችሉ መሆኑን አስመራጭ ኮሚቴው ያሳውቃል፡፡

    ስለሆነም የባንኩ ባለአክሲዮኖች ለባንኩ ሁለንተናዊ እድገት የበኩላቸውን አስተዋጽኦ ማበርከት ይችላሉ ብለው የሚያምኑባቸውን ብቁ እጩዎችን በቅጹ ላይ በጥንቃቄ በመሙላት ከሐምሌ 01 ቀን 2013 ዓ.ም እስከ ጥቅምት 01 ቀን 2014 ዓ.ም ድረስ ከታች በተመለከቱት አማራጮች በመጠቀም እንዲጠቁሙ አስመራጭ ኮሚቴው በአክብሮት ይጋብዛል፡፡

    ባለአክሲዮኖች የሞሉትን ቅጽ በቡና ባንክ አ.ማ ዋና መ/ቤት 8ኛ ፎቅ በዳይሬክተሮች ቦርድ አስመራጭ ኮሚቴ ጽ/ቤት በአካል በመቅረብ ቅጹን መሙላት ወይም አድራሻውን ለቡና ባንክ አ.ማ የዳይሬክተሮች ቦርድ አስመራጭ ኮሚቴ በማለት በባንኩ የፓ.ሣ.ቁጥር 1743 ኮድ 1110  በአደራ ደብዳቤ መላክ ወይም የተሞላውን ቅፅ ስካን በማድረግ ለዚሁ ዓላማ በተዘጋጀው በባንኩ ኢሜል bibnomination@bunnabanksc.com አያይዘዉ መላክ የሚችሉ መሆኑን እንገልጻለን፡፡

    ተጠቋሚ እጩ የቦርድ አባላት የሚከተሉትን መስፈርቶች ማሟላት ይጠበቅባቸዋል፤

    1. ኢትዮጵያዊ ዜጋ የሆነ/ች እንዲሁም ዕድሜው/ዋ 30 ዓመት እና ከዚያ በላይ የሆነ/ች፤
    2. የቡና ባንክ አ.ማ ባለአክሲዮን የሆነ/ች እና ቢመረጥ/ብትመረጥ በዳይሬክተሮች ቦርድ አባልነት ለመሥራት ፈቃደኛ የሆነ/ች፣
    3. ለቦታው የተገቢነት እና የብቃት መስፈርት (Fit and Proper) የሚጠይቀውን  የመጀመሪያ ዲግሪ ትምህርት ያጠናቀቀ/ች፣
    1. በቢዝነስ ማኔጅመንት፤ በባንክ ሥራ፤ በፋይናንስ፤ በአካውንቲንግ፤ በሕግ፣ በኦዲቲንግ፤ በኢኮኖሚክስ፤ በኢንፎርሜሽን ቴክኖሎጂ፤ በኢንቨስትመንት ማኔጅመንት የትምህርት መስክ የተመረቁና የጾታ ስብጥራቸውም ተመጣጣኝ ቢሆን ይመረጣል፣
    2. የቡና ባንክም ሆነ የሌሎች ባንኮች ተቀጣሪ ሠራተኛ ያልሆነ/ነች፤ እንዲሁም የማንኛውም የፋይናንስ ተቋም ዋና ሥራ አስፈፃሚ ወይም የዳይሬክተሮች ቦርድ አባል ያልሆነ/ነች፤
    3. ተጠቋሚው የሕግ ሰውነት ያለው ድርጅት ከሆነ ድርጅቱን ወክሎ የዳይሬክተሮች ቦርድ አባል ለመሆን የሚወዳደረው የተፈጥሮ ሰው ማንነትና የትምህርት ደረጃ እንዲሁም ሌሎች አስፈላጊ ነገሮች ሁሉ መጥቀስ፤
    4. የቡና ባንክ አ.ማ የዳይሬክተሮች ቦርድ አስመራጭ ኮሚቴ አባል ያልሆነ/ነች፤
    5. ቡና ባንክ አክሲዮን ማህበርን ለስድስት ተከታታይ ዓመታት በቦርድ አባልነት አገልግለው ከቦርድ አባልነት የለቀቁ ከሆነ ከለቀቁበት ጊዜ ጀምሮ ስድስት ዓመታት የሆናቸው (የሞላቸው)፤
    6. በሕዝብ ዘንድ ተአማኒነት ያለው/ያላት እና የጸዳ የፋይናንስ አቋም ያለው/ያላት፤
    7. በሕዝብ ዘንድ መልካም ሥነምግባር፣ ማሕበራዊ ተቀባይነት ያለው/ያላት እና ሕግን በመተላለፍ በኢትዮጵያም ሆነ በውጭ አገራት በወንጀል በመከሰስ ተፈርዶበት/ባት የማያውቅ/የማታውቅ፤
    8. ለመንግሥት ባለሥልጣናት መረጃን በመከልከል፤ የተሳሳቱ የሂሳብ ወይም ሌሎች ሰነዶችን በመስጠት የተቆጣጣሪ አካላትን መመሪያዎች ባለመቀበል እና ባለመገዛት በመንግሥት ባለሥልጣናት አስተዳደራዊ የእርምት እርምጃዎች ተወስዶበት/ባት የማያውቅ/የማታውቅ፤
    9. የንግድ ሥራን ከመተግበር ወይም ድርጅትን ከመምራት አኳያ በፍርድ ቤት የመክሰር ውሳኔ ያልተላለፈበት/ባት፣ ከታክስ እና ከባንክ ክፍያዎች ጋር በተያያዘ ግዴታዎቹን/ቿን በአግባቡ የተወጣ/ች መሆን ይኖርባቸዋል፡፡

    ለበለጠ መረጃ በስልክ ቁጥር 011-8-722845 ወይም በ011-1-264357 በመደወል ባለአክሲዮኖች ማብራሪያ ማግኘት ይችላሉ፡፡

    ማሳሰቢያ፤

    አስመራጭ ኮሚቴው ከሐምሌ 01 ቀን 2013 ዓ.ም በፊትም ሆነ ከጥቅምት 01 ቀን 2014 ዓ.ም በኋላ የሚቀርቡ ጥቆማዎችን የማይቀበል መሆኑን ከወዲሁ ያሳስባል፡፡

    NameDownloads
    እጩ መጠቆሚያ ቅጽ

    የቡና ባንክ አ.ማ

    የዳይሬክተሮች ቦርድ አባላት አስመራጭ ኮሚቴ

     

    Bunna Bank