New to site?


Login

Lost password? (X)

Already have an account?


Signup

(X)
Farooq

ዜና መግለጫ (News release)

HomeNewsዜና መግለጫ (News release)
23
Aug
ዜና መግለጫ (News release)
  • Author
    Genet Fekade
  • Comments
    0 Comments
  • Category

ቡና ባንክ በጭነትና በህዝብ ማመላለሻ መንገድ ትራንስፖርት ዘርፍ ላይ ለተሰማሩ የህብረተሰብ  ክፍሎች ያዘጋጀውን አዲስ የቁጠባና ሽልማት መርሃ ግብር በይፋ ጀመረ

  • መርሃግብሩ በፈሳሽና ደረቅ ጭነቶች ማመላለሻ እንዲሁም በአነስተኛ፣ መካከለኛ እና ከፍተኛ የህዝብ መንገድ ትራንስፖርት ዘርፍ ላይ የተሰማሩ ባለንብረቶችን፣ አሽከርካሪዎችንና  ረዳቶች ተጠቃሚ የሚያደርግ ነው።

(አዲስ አበባ ነሃሴ 14 ቀን 2013ዓ.ም)

ቡና ባንክ ባለፉት አመታት የመደበኛ የታክሲ አገልግሎት የሚሰጡ ተሽከርካሪዎች ባለቤቶችንና  አሽከርካሪዎችን ታሳቢ አድርጎ ለአምስት ዙሮች ሲያካሂድ የቆየውን የይቆጥቡ ይሸለሙ መርሃ ግብር በማስፋት በጭነትና ህዝብ ማመላለሻ መንገድ ትራንስፖርት የስራ ዘርፍ ላይ የተሰማሩ የህብረተሰብ ክፍሎችን በሙሉ ያካተተ አዲስ የ ቁጠባ እና ሽልማት  መርሃ ግብር ይፋ አደረገ።

መርሃ ግብሩ ከነሃሴ 13 ቀን 2013 ዓ.ም ጀምሮ እስከ ህዳር 8 ቀን 2014 ዓ.ም ድረስ የሚቆይ ሲሆን በማንኛውም ቀላልና ከባድ የፈሳሽ እና ደረቅ ጭነት ተሽከርካሪ፣ መደበኛ የታክሲ አገልግሎት የሚሰጡ ሚኒባሶች፣ ሚድ ባሶች፣ ሜትር ታክሲዎች፣ ባለሶስት እግር ታክሲዎች እንዲሁም የመካከለኛ እና ከፍተኛ ሃገር አቋራጭ የህዝብ ማመላለሻ አውቶቡሶች  ላይ የተሰማሩ ባለንብረቶች፣ አሽከርካሪዎች  ረዳቶች እና ትኬት ቆራጮችን ተጠቃሚ ያደርጋል።

በቁጠባ አገልግሎቱ ላይ የሚሳተፉ አካላት ከሰኞ እስከቅዳሜ በየቀኑ 150 ብር ወይም በአንድ ጊዜ 900 ብር ሲቆጥቡ ወዲያውኑ አንድ ለዕልማት ብቁ የሚያደርጋቸው የሎተሪ ዕጣ ቁጥር እንዲደርሳቸው የሚደረግ ሲሆን  የቆጣቢዎቹ የቁጠባ መጠን በየ 900 ብር ልዩነት ባደገ ቁጥርም ዕድለኛ የሚያደርጋቸው የዕጣ ቁጥሮች መጠን በዚያው ልክ የሚያድግ ይሆናል።

ባንኩ ለሶስት ወራት የሚያካሂደው ይኸው ይቆጥቡ ይሸለሙ ፕሮግራም ሲጠናቀቅ ያዘጋጃቸውን ሽልማቶች በብሄራዊ ሎተሪ አስተዳደር ድርጅት ውስጥ  በይፋዊ ስነስርዓት ዕጣ በማውጣት አሸናፊዎቹን የሚያሳውቅ ሲሆን በደማቅ ስነስርዓትም ዕጣውን ለባለዕድሎች ያስተላልፋል።

ከሶስት ወር በኋላ በብሄራዊ ሎተሪ አዳራሽ በይፋ በሚካሄደው የዕጣ አወጣጥ ስነስርዓት ላይም የዚህ መርሃ ግብር አሸናፊ ለሆኑ ግለሰቦች በሽልማት የሚበረከቱ ሁለት የ2020 ዘመናዊ የቤት አውቶሞቢሎች፣ ሁለት ባለሶስት እግር ተሽካርካሪዎች፣ አምስት የልብስ ማጠቢያ ማሽኖች፣ አምስት ዘመናዊ ማቀዝቀዣዎች፣ አምስት 55 ኢንች ቴሌቪዠኖች፣ አምስት የውሃ ማጣሪያዎች እና አስር ስማርት የሞባይል ስልኮች ተዘጋጅተዋል።

ቡና ባንክ ከግለሰቦች ህይወት ማሻሻል ባሻገር ለሃገር ኢኮኖሚ ግንባታ መሰረታዊ ሚና እንደሚጫወት የሚታመነው ቁጠባ በህብረተሰቡ ዘንድ ባህል እንዲሆን ለማስቻል በየጊዜው የተለያዩ የህብረተሰብ ክፍሎችን ተደራሽ የሚያደርጉ አዳዲስ የቁጠባ ፕሮግራሞችን ከማበረታቻ ሽልማቶች ጋር በመዘርጋት ከፍተኛ ቁጥር ያለውን የማህበረሰብ ክፍል የባንክ ተጠቃሚ ማድረግ ችሏል።

በተለይም በዕለት ገቢ ላይ የተመሰረተ የታክሲ አገልግሎት ዘርፍ ላይ የተሰማሩ አሽከርካሪና ባለንብረቶችን ታላሚ ባደረገውና ለአምስት ዙር ሲካሄድ በቆየው የቁጠባ መርሃ ግብር ተሳታፊ የነበሩ በርካቶች  በቆጠቡት ገንዘብ ህይወታቸውን ከማሻሻላቸው ባሻገር ቡና ባንክ ለዘርፉ ማበረታቻነት ባዘጋጃቸው አውቶሞቢሎችን ያካተቱ ሽልማቶችን በማሸነፍም በከፍትኛ ደረጃ ተጠቃሚ መሆን ችለዋል።

አሁን አዲስ የተጀመረው የትራንስፖርት ዘርፍ የቁጠባ እና ሽልማት መርሃ ግብር ከዚህ ተሞክሮ በመነሳት የተቀረጸ ሲሆን የዘርፉ ተዋንያን ቁጠባን ባህል በማድረግ የነገ ህይወታቸውን በጠንካራ መሰረት ላይ እየገነቡ ለሽልማት እንዲበቁ የሚያግዝ ነው።

የኢኮኖሚ የጀርባ አጥንት ነው የሚባለው የትራንስፖርት ዘርፍ የመሠረተ ልማት አውታሮችን በከፍተኛ ሁኔታ የሚጠቀም እንደመሆኑ የሃገራችን ምጣኔ ሃብት እጅግ አስፈላጊ አካል ከመሆኑ ባሻገር የልማትና ዕድገት ማሳለጫ አይነተኛ መሣሪያም ጭምር ነው። የትራንስፖርት መሠረተ ልማት መስፋፋት ከከፍተኛ የእድገት ደረጃዎች ጋር የተቆራነ እንደመሆኑ የትራንስፖርት ሥርዓቶች ቀልጣፋ ሲሆኑ ለተሻለ የገበያ ተደራሽነት ፣ ለበርካታ የሥራ ስምሪት እና እንደተጨማሪ ኢንቨስትመንቶች ላሉ ኢኮኖሚያዊ እና ማህበራዊ ዕድሎች እና ጥቅሞች በር ይከፍታል።

ቡና ባንክ ለነዚህ ትልቅ ኢኮኖሚያዊና ማህበራ ሚና ለሚጫወቱ የማህበረሰብ ክፍሎች ትኩረት በመስጠት ባዘጋጀው በዚህ የቁጠባ እና ሽልማት መርሃ ግብር አንድም የቁጠባ ባህልን በማሳደግ ዜጎች የባንክ አገልግሎቶች ተጠቃሚ እንዲሆኑ ሲያግዝ  በሌላ በኩልም የዘርፉ ተዋንያን ገንዘባቸውን በመቆጠባቸው ብቻ የሚበረታቱበትን ለተሸላሚነት የሚያበቃቸውን  መርሃ ግብር በመዘርጋት አጋር ሆኖ ቆሟል።

በየጊዜው አዳዲስ ደንበኞችን በማፍራት በብዙ የህብረተሰብ ክፍሎች ዘንድ ተዓማኒነትን ያተረፈው ቡና ባንክ አ.ማ ከ12 ዓመታት በፊት ከ13 ሺ በላይ በሆኑ ባለአክሲዮኖች የተቋቋመ ና ከ300 በላይ በደረሱ ቅርንጫፎቹ በኢትዮጵያ ሁሉም ክልሎች አገልግሎት በመስጠት ላይ ይገኛል፡፡

በሃገሪቱ ከሚገኙ ባንኮች ውስጥ የብዙሃን ባንክ ተብሎ በመጠራት በግንባር ቀደምትነት የሚጠቀሰው ቡና ባንክ ከሚለይባቸው የባንክ አገልግሎቶች ዋናው የተለያዩ የህብረተሰብ ክፍሎችን ያማከለ፣ ፍላጎትና አቅማቸውን ያገናዘበ የልዩ ቁጠባና ብድር አገልግሎቶችን ማመቻቸት ነው።

Tags:

    Bunna Bank