New to site?


Login

Lost password? (X)

Already have an account?


Signup

(X)
Farooq

የቡና ባንክ ስራ አመራር አባላት ዓመታዊ የስራ አፈጻጸም ስብሰባ ዛሬም ቀጥሎ ውሏል።

HomeNewsየቡና ባንክ ስራ አመራር አባላት ዓመታዊ የስራ አፈጻጸም ስብሰባ ዛሬም ቀጥሎ ውሏል።
25
Aug
የቡና ባንክ ስራ አመራር አባላት ዓመታዊ የስራ አፈጻጸም ስብሰባ ዛሬም ቀጥሎ ውሏል።
  • Author
    Genet Fekade
  • Comments
    0 Comments
  • Category

በስካይ ላይት ሆቴል እየተካሄደ ያለውና ነሃሴ 17 ቀን 2013ዓ.ም የተጀመረው በ202/21 የቡና ባንክ ዓመታዊ የስራ አፈጻጸም ላይ ያተኮረው  የስራ አመራር አባላት ስብሰባ ዛሬም ቀጥሎ ውሏል።

በውይይቱ የትናንት ውሎ በ2021/21 የበጀት አመት ባንኩ ያከናወናቸው አበይት ስራዎች የተገመገሙ ሲሆን ዓመቱ በአጠቃላይ የባንኩ ስራዎች የተሻለ አፈጻጸም የታየበት እንዲሁም ካለፉት አመታት ጋር ሲነጻጸር አመርቂ  ውጤቶች የተገኙበት መሆኑ ተገምግሟል።

የተገኙትን ውጤቶች  በማሻሻልና  በማጠናከር፣ መልካም ተሞክሮዎችን በማስፋትና  የታዩ ክፍተቶችንም በማጥበብ በተያዘው በጀት አመት የበለጠ ውጤት ለማስመዝገብ በቁርጠኝነት መስራት ይገባል ተብሏል።

ይህን ተግባራዊ ለማድረግ መሰረት የሚጥሉ ሃሳቦች ተነስተው ሰፊ ውይይቶችም  ተካሂደዋል።

የስራ አመራር አባላቱ  በባንኩ በቀረበው የዘንድሮው 2021/22 የበጀት አመት ዕቅድ ላይም ሰፊ ውይይት አካሂደዋል።

በዛሬው ስብሰባም ተሰብሳቢ የስራ አመራር አባላቱ በቀረበው የላቀ አፈጻጸም ድርጅታዊ ባህል (High performance organizational culture) ሰነድ ላይ ላይ ሰፊ ውይይት አካሂደዋል።

የቡና ባንክ ድርጅታዊ ባህልን የባንኩ እሴቶች ከሆኑት አሸናፊነት፣ ሃላፊነት እና ማክበር ጋር በማጣመር ማሳደግና በሂደት የባንኩ መለያዎች እንዲሆኑ በማስቻል ጠንካራና ውጤታማ ሰራተኛ ለማፍራት በሚቻልባቸው የአተገባበር ሂደቶች ላይ የሃሳብ ልውውጦች ተደርገዋል።

በመጨረሻም በባንኩ በተዘጋጀው የስራ አፈጻጸም ምዘና ስርዓት ሰነድ ላይ ሰፊ ውይይት ተካሂዶና የማዳበሪያ ሃሳቦች ተሰንዝረው የእለቱ ስብሰባ ተጠናቋል።

ስብሰባው ነገ ነሃሴ 19 ቀን 2013 ዓ.ም ይጠቃለላል ።

Tags:

    Bunna Bank