New to site?


Login

Lost password? (X)

Already have an account?


Signup

(X)
Farooq

የቡና ባንክ ቺፍ ስትራቴጂ ኦፊሰር አቶ መንክር ሃይሉ በስምንተኛው ዙር “የውጭ ምንዛሬ ይቀበሉ፣ ይመንዝሩ ይሸለሙ” ፕሮግራም እና የአምስተኛው ዙር የታክሲና ባለሶስት እግር ተሽከርካሪ ሹፌሮችና ባለንብረቶች “ይቆጥቡ ይሸለሙ” መርሃ ግብር ላይ ያደረጉት ንግግር

HomeNewsየቡና ባንክ ቺፍ ስትራቴጂ ኦፊሰር አቶ መንክር ሃይሉ በስምንተኛው ዙር “የውጭ ምንዛሬ ይቀበሉ፣ ይመንዝሩ ይሸለሙ” ፕሮግራም እና የአምስተኛው ዙር የታክሲና ባለሶስት እግር ተሽከርካሪ ሹፌሮችና ባለንብረቶች “ይቆጥቡ ይሸለሙ” መርሃ ግብር ላይ ያደረጉት ንግግር
29
May
የቡና ባንክ ቺፍ ስትራቴጂ ኦፊሰር አቶ መንክር ሃይሉ በስምንተኛው ዙር “የውጭ ምንዛሬ ይቀበሉ፣ ይመንዝሩ ይሸለሙ” ፕሮግራም እና የአምስተኛው ዙር የታክሲና ባለሶስት እግር ተሽከርካሪ ሹፌሮችና ባለንብረቶች “ይቆጥቡ ይሸለሙ” መርሃ ግብር ላይ ያደረጉት ንግግር
  • Author
    Genet Fekade
  • Comments
    0 Comments
  • Category

(ግንቦት 18 ቀን 2013 ዓ.ም አዲስ አበባ) ክቡራን የቡና ኢንተርናሽናል ባንክ ደንበኞችና እድለኞችቡና ኢንተርናሽናል ባንክ የስምንተኛውን ዙር “የውጭ ምንዛሬ ይቀበሉ፣ ይመንዝሩ ይሸለሙ” ፕሮግራም እና የአምስተኛውን ዙር የታክሲና ባለሶስት እግር ተሽከርካሪ ሹፌሮችና ባለንብረቶች “ይቆጥቡ ይሸለሙ” መርሃ ግብር ፕሮግራሞች መጠናቀቃቸውን አስመልክቶ በዕጣ የወጣላችሁን ሽልማት ለመረከብ በመብቃታችሁ ሁላችሁንም እንኳን ደስ አላችሁ ለማለት እወዳለሁ።

በባንክ አገልግሎት ዘርፍ 11 ዓመታት ያስቆጠረው ቡና ባንክ የሃገራችንን የቁጠባ ባህል ለማሳደግ እና ዘመናዊ የባንክ አገልግሎቶችን ለመስጠት በአዲስ አበባና በሁሉም የሃገራችን አካባቢዎች 284 ቅርንጫፎችን ከፍቶ አገልግሎቱን ተደራሽ በማድረግ ላይ ይገኛል።ቡና ባንክ የማበረታቻ ሽልማቶችን በማዘጋጀት ለመጀመሪያ ጊዜ ተግባራዊ ባደረገው የታክሲና ባለሶስት እግር ተሽከርካሪ ሹፌሮችና ባለንብረቶች የቁጠባ መርሃ ግብር እስካሁን ድረስ 49 ሺህ 37 የታክሲና ሜትር ታክሲ አሽከርካሪና ባለንብረቶች እንዲሁም 31 ሺህ 498 የባለሶስት እግር አሽከርካሪና ባለንብረቶች በድምሩ 80 ሺህ 535 አሽከርካሪዎችና ባለንብረቶች በየቀኑ የሚያገኙትን ገቢ በመቆጠብ የቁጠባ ባህላቸውን እንዲያዳብሩና ለተሻለ ህይወት እንዲጥሩ መሰረት ሆኗቸዋል።

ከነዚህ መካከልም የአሁኑን ጨምሮ በአምስት ዙሮች የይቆጥቡ ይሸለሙ መርሃ ግብሩ ላይ ተካፋይ ሆነው ዕጣ ለወጣላቸው ዕድለኞች ዘመናዊ አውቶሞቢሎችንና ባለሶስት እግር ተሽከርካሪዎችን ጨምሮ በርካታ ሽልማቶችን በመስጠት ህይወታቸው እንዲሻሻል የበኩሉን አስተዋዕዖ አበርክቷል።

በሌላ በኩል የቡና ባንክ ደንበኞች ከውጭ የሚላክላቸውን የውጭ ምንዛሪ በባንኩ በኩል ሲቀበሉ የውጭ ምንዛሪ መቀበልም ሆነ መመንዘር ህጋዊ የባንክ ስርዓትን እንዲከተል በማድረግ የጥቁር ገበያን ተጽዕኖ ለመቀነስ ላበረከቱት አስተዋዕዖ “ይቀበሉ፣ ይመንዝሩ.፣ ይሸለሙ” በሚል መሪ ቃል የማበረታቻ ሽልማቶች ተጠቃሚ እንዲሆኑ አሰራር ዘርግቶ ተግባራዊ ሲያደርግ ቆይቷል።በዚህም በስምንት ዙሮች በርካታ እድለኞች የዘመናዊ አውቶሞቢሎችና የግል እና የቤት ውስጥ መገልገያ ኤሌክትሮኒክስ እቃዎች ተሸላሚ ለመሆን በቅተዋል።

ዛሬም እንደቀደሙት ጊዜያት ሁሉ ባንካችን ከላይ በጠቀስኳቸው ሁለቱ ፕሮግራሞች ተሳትፈው ዕድለኞች ለሆኑና እጣ ለወጣላቸው ደንበኞች ያዘጋጃቸውን የ2020 ሱዙኪ የቤት አውቶሞቢሎች፣ የባለሶስት እግር ተሽከርካሪዎች፣ የዘመናዊ ሶፋ፣ የፍላት ስክሪን ቴሌቪዠኖች፣ የውሃ ማጣሪያዎች፣ እና ዘመናዊ የስልክ ቀፎ ሽልማቶችን ያስረክባል።

ላለፉት 5 ዙሮች ለታክሲዎችና ባለሶስት እግር አሽከርካሪዎችና ባለንብረቶች ሲካሄድ የቆየው የቁጠባ ፕሮግራም በቀጣይ የመካከለኛና ከፍተኛ የህዝብ ትራንስፖርት አገልግሎት ሰጪ ተሽከርካሪዎች ባለንብረቶችንና ሹፌሮችን አካትቶ በአዲስ መልክ ከአጓጊ ሽልማቶች ጋር የሚቀጥል ይሆናል። ዘጠነኛው ዙር የውጭ ምንዛሪ ይቀበሉ ይመንዝሩ ይሸለሙ ፕሮግራምም ተጀምሮ ተግባራዊ በመሆን ላይ ይገኛል።

ቡና ባንክ ዛሬ እዚህ ዋና መስሪያ ቤቱ ድረስ የተገኛችሁና የሁለቱም አገልግሎቶች ተጠቃሚ በመሆን የሽልማቶቹ እድለኛ የሆናችሁትን ደንበኞቹን በድጋሚ እንኳን ደስ አላችሁ ለማለት ይወዳል።ወደፊትም ባንካችን የባለራዕዮች ባንክ ነውና ለጋራ ራዕያችን መሳካት ከባንኩ ጋር ያላችሁን ደንበኝነት በማጠናከር የአገልግሎቶቹ ተጠቃሚ አንድትሆኑ፣ ከወዳጅ ዘመዶቻችሁ ጋር በጋራ በመሆን በቡና ባንክ ቤተሰብነታችሁም እንድትቀጥሉ ጥሪዬን አቀርባለሁ።

ሁላችሁም እንኳን ደስ አላችሁ !!!

አመሰግናለሁ

Tags:

           ቡና ባንክ .

          BUNNA BANK S.C

    ለቡና ባንክ አ.ማ ባለአክስዮኖች በሙሉ

    ዕጩ የዳይሬክተሮች ቦርድ አባላትን ጥቆማ ለመቀበል ተሻሽሎ የወጣ ማስታወቂያ

    የቡና ባንክ አ.ማ የባለአክስዮኖች ጠቅላላ ጉባዔ ታህሳስ 11 ቀን 2013 ዓ.ም ባካሄደው 11ኛ መደበኛ ስብሰባው ያቋቋመው “የዳይሬክተሮች ቦርድ አባላት ጥቆማና አስመራጭ ኮሚቴ” ከሐምሌ 01 ቀን 2013 ዓ.ም ጀምሮ የዕጩ ጥቆማዎችን በመቀበል ላይ የሚገኝ ሲሆን የቦርድ አባላትን ለመጠቆም የሚያስችለውን የጥቆማ መሙያ ቅጽ ከቡና ባንክ አ.ማ ድረ-ገጽ https://www.bunnabanksc.com ወይም አዲስ አበባ ቦሌ መንገድ ሩዋንዳ መታጠፊያ የባንኩ ዋና መስሪያ ቤት 8ኛ ፎቅ ከሚገኘው የኮሚቴው ጽ/ቤት ወይም ከባንኩ ቅርንጫፎች ማግኘት ይቻላል፡፡

    ስለሆነም ባለአክስዮኖች ለዳይሬክተሮች የቦርድ አባልነት ብቁ የሆኑትን ፤ ለባንኩ ሁለንተናዊ ዕድገት ከፍተኛ አስተዋፅኦ ማበርከት የሚችሉትን እና ከታች የተዘረዘሩትን መስፈርቶች የሚያሟሉትን ዕጩዎች በቅፁ ላይ በጥንቃቄ በመሙላት እስከ ጥቅምት 01 ቀን 2014 ዓ.ም ድረስ ብቻ ከላይ በተገለፀው የኮሚቴው ጽ/ቤት በአካል በማቅረብ ወይም አድራሻውን ለቡና ባንክ አ.ማ የዳይሬክተሮች ቦርድ አባላት ጥቆማና አስመራጭ ኮሚቴ በማለት በባንኩ የፓ.ሣ.ቁጥር 1743 ኮድ 1110 በአደራ ደብዳቤ በመላክ ወይም የተሞላውን ቅጽ ስካን በማድረግ ለዚሁ ዓላማ በተዘጋጀው በባንኩ ኢሜይል bibnomination@bunnabanksc.com አያይዛችሁ በመላክ ለባንኩ ዕድገት የበኩላችሁን አስተዋፅኦ እንድታደርጉ ጥሪያችንን እናቀርባለን፡፡

    ተጠቋሚ ዕጩ የዳይሬክተሮች ቦርድ አባላት የሚከተሉትን መስፈርቶች ማሟላት ይጠበቅባቸዋል፡-

    1. በዜግነት ኢትዮጵያዊ/ት ወይም የውጭ ሀገር ዜግነት ካለው/ላት በትውልድ ኢትዮጵያዊ/ት የሆነ/ች፤
    2. ዕድሜው/ዋ 30 ዓመት ወይም ከዚያ በላይ የሆነ/ች፤
    3. የዳይሬክተሮች የቦርድ አባል ሆኖ ቢመረጥ /ሆና ብትመረጥ ለመስራት ፈቃደኛ የሆነ/ች፤
    4. ከታወቀ የከፍተኛ የትምህርት ተቋም ቢያንስ በመጀመሪያ ዲግሪ ወይም በአቻ የትምህርት ደረጃ የተመረቀ/ች፤
    5. የዳይሬክተሮች የቦርድ አባላት ስብስብ በባንክ ስራ፣ በፋይናንስ፣ በአካውንቲንግ፣ በማኔጅመንት፣ በኢኮኖሚክስ፣ በሕግ፣ በቢዝነስ አስተዳደር ፣ በኦዲቲንግ ፣ በኢንፎርሜሽን ቴክኖሎጂ ወይም በኢንቨስትመንት ማኔጅመንት መሠረታዊ ክህሎትን /ችሎታን ያካተተ እና የፆታ ስብጥርን ያገናዘበ ቢሆን ይመረጣል፤
    6. የፋይናንስ ድርጅት የቦርድ ዳይሬክተር ያልሆነ/ች ወይም ዳይሬክተሩ/ሯ 10% ወይም ከዚያ በላይ የባለቤትነት ድርሻ ያልያዘበት/ችበት የንግድ ድርጅት፤
    7. የማንኛውም ባንክ ተቀጣሪ ሠራተኛ ያልሆነ/ች፤
    8. የቡና ባንክ አ.ማ የዳይሬክተሮች ቦርድ ጥቆማና አስመራጭ ኮሚቴ አባል ያልሆነ/ች፤
    9. በግሉ/ሏ ወይም ሌላ ባለአክስዮንን በመወከል በቡና ባንክ አ.ማ ውስጥ ለተከታታይ ስድስት ዓመታት በቦርድ አባልነት አገልግሎ/ላ ከሆነ/ች ከለቀቀበት/ችበት ጊዜ ጀምሮ ስድስት ዓመታት ያለፈው/ፋት፤
    10. በብሔራዊ ባንክ እምነት መሰረት ታማኝ ፣ ሐቀኛ፣ ጠንቃቃ እና መልካም ዝና ያለው/ላት፤
    11. መልካም የፋይናንስ ታሪክና አቋም ያለው/ያላት ፤ የንግድ ሥራን ከመተግበር ወይም ድርጅትን ከመምራት አኳያ በፍርድ ቤት የመክሰር ውሳኔ ያልተላለፈበት/ባት፣ ከታክስ እና ከባንክ ክፍያዎች ጋር በተያያዘ ግዴታዎቹን/ቿን በአግባቡ የተወጣ/ች፤
    12. መልካም ስነምግባር ያለው/ላት፣ከዚህ በፊት በንግድ ማህበር አደራጅነት፣ ዳይሬክተርነት፣ ስራ አስኪያጅነት፣ተቆጣጣሪነት፣ኦዲተርነት ወይም በሌሎች የአመራር ኃላፊነቶች ላይ ተመድቦ/ባ ሲሰራ/ስትሰራ ከኃላፊነቱ/ቷ ጋር በተያያዘ ወይም በማናቸውም ሌላ ሁኔታ በኢትዮጵያ ውስጥም ሆነ ከኢትዮጵያ ውጭ በእምነት ማጉደል፣ በስርቆት ፣ በማጭበርበር፣ በውንብድና ወይም በሌላ ለቦርድ አባልነት ብቁ በማያደርግ ተመሳሳይ ወንጀል በፍ/ቤት ተከሶ/ሳ የጥፋተኝነት ውሳኔ ያልተሰጠበት/ባት፤
    13. ከመንግስት ባለስልጣናት መረጃን በመደበቅ፣ የተሳሳቱ የሂሳብ ወይም ሌሎች ሰነዶችን በመስጠት፣ የተቆጣጣሪ አካላትን ማረጋገጫዎች ባለመቀበል፣ መስፈርቶችን ባለማሟላት ፣ የእርምት ወይም የማስተካከያ እርምጃዎችን ባለመውሰድ ሪከርድ የሌለበት/ባት፤
    14. በኢትዮጵያ ውስጥም ሆነ በውጭ ሃገር በሚገኝ በማናቸውም በፈረሰ ባንክ ውስጥ ዳይሬክተር የነበረ/ች ከሆነ በቅድሚያ ከብሔራዊ ባንክ የጽሁፍ ፈቃድ ማቅረብ የሚችል/ ምትችል፤
    15. ዕጩ ተጠቋሚው በሕግ የሰውነት መብት የተሰጠው ድርጅት ከሆነ፤ ድርጅቱን ወክሎ የሚያገለግል ቋሚ ተወካይ (የተፈጥሮ ሰው) መመደብ ያለበት ሲሆን ይህ ተወካይ ሁሉንም መስፈርቶች ማሟላት ይጠበቅበታል፤
    16. መስፈርቱን የሚያሟሉ ሴት ዕጩዎች ይበረታታሉ፤

     

    ለበለጠ መረጃ ባለአክስዮኖች በስልክ ቁጥር 011-8-722845/011-1-264357 ደውለው ማብራሪያ ማግኘት ይችላሉ፡፡

     

    ማሳሰቢያ፤

    ኮሚቴው ከጥቅምት 01 ቀን 2014 . በኋላ የሚቀርቡ ጥቆማዎችን የማይቀበል መሆኑን ከወዲሁ ያሳስባል!!!

    NameDownloads
    እጩ መጠቆሚያ ቅጽ

    የቡና ባንክ አ.ማ

    የዳይሬክተሮች ቦርድ አባላት አስመራጭ ኮሚቴ

    Bunna Bank