New to site?


Login

Lost password? (X)

Already have an account?


Signup

(X)
Farooq

የቡና ኢንተርናሽናል ባንክ ቺፍ ስትራተጂ ኦፊሰር አቶ መንክር ሃይሉ ዛሬ በተካሄደው የሽልማት ስነስርአት ላይ ያደረጉት ንግግር

HomeNewsየቡና ኢንተርናሽናል ባንክ ቺፍ ስትራተጂ ኦፊሰር አቶ መንክር ሃይሉ ዛሬ በተካሄደው የሽልማት ስነስርአት ላይ ያደረጉት ንግግር
27
Oct
የቡና ኢንተርናሽናል ባንክ ቺፍ ስትራተጂ ኦፊሰር አቶ መንክር ሃይሉ ዛሬ በተካሄደው የሽልማት ስነስርአት ላይ ያደረጉት ንግግር
  • Author
    Genet Fekade
  • Comments
    0 Comments
  • Category

(ጥቅምት  17 ቀን 2013 . አዲስ አበባ) 

ክቡራን የቡና ኢንተርናሽናል ባንክ ደንበኞችና እድለኞች

ቡና ኢንተርናሽናል ባንክ ለሰባተኛ ዙር ሲያካሂድ በቆየው የውጭ ምንዛሬ “ይቀበሉ ይሸለሙ” ፕሮግራም እና ለአራተኛ ዙር ባካሄደው የታክሲና ባጃጅ የሹፌሮችና ባለንብረቶች የቁጠባ መርሃ ግብር ፕሮግራም ማጠናቀቂያ  ላይ ሽልማታችሁን ለመቀበል እዚህ በመገኘታችሁ ሁላችሁንም እንኳን ደስ አላችሁ ለማለት እወዳለሁ።

የባለራዕዮች ባንክ የሆነው  ቡና ኢንተርናሽናል ባንክ የሃገራችንን የቁጠባ ባህል ለማሳደግ እና ዘመናዊ የባንክ አገልግሎቶችን በስፋት ተደራሽ ለማድረግ በአዲስ አበባና በሁሉም የሃገራችን አካባቢዎች 248 ቅርንጫፎችን ከፍቶ አገልግሎት በመስጠት ላይ የሚገኝ የህዝብ ባንክ ነው።

በባንክ አገልግሎት ዘርፍ 11 ዓመታት በማስቆጠር የካበተ ልምድ ያለው ቡና ኢንተርናሽናል ባንክ ለደንበኞቹ ምቹና ቀላል አማራጮችን በመፍጠር የባንክ አገልግሎት ተጠቃሚ እንዲሆኑ የሚያደርገው ጥረት እንደተጠበቀ ሆኖ የቁጠባ ባህል እንዲዳብር እና የገንዘብ ዝውወር ህጋዊ መሰረት ይዞ ለታለመው ግለሰባዊና ሃገራዊ ጥቅም እንዲውል ለማስቻል መጠነ ሰፊ ተግባራትን ሲያከናውን ቆይቷል።

በዚህም የተለያዩ ዘመናዊና ተደራሽ የባንክ አገልግሎቶችን በማቅረብ ክቡራን ደንበኞቹ በቀላሉ ተጠቃሚ የሚሆኑበትን አሰራር በማዳረስ ላይ ይገኛል።  ከነዚህ አገልግሎቶች አንዱ  “ይቀበሉ ይሸለሙ” በሚል መርሃ ግብር ያዘጋጀው  አገልግሎት ነው።

ይህ አገልግሎት ደንበኞች ከውጭ የሚላክላቸውን የውጭ ምንዛሪ በባንኩ በኩል እየተቀበሉ በአንድ በኩል የውጭ ምንዛሪ መቀበልም ሆነ መመንዘር ህጋዊ የባንክ ስርዓትን እንዲከተል የበኩላቸውን ሚና በመጫወት  የሃገርን ኢኮኖሚ እንዲያሳድጉ፣ በሌላ በኩልም ደንበኞች በባንኩ የውጭ ምንዛሪ ሲቀበሉም ሆነ ሲመነዝሩ ባንኩ ያዘጋጀላቸውን የማበረታቻ ሽልማቶች ተጠቃሚ እንዲሆኑ የተዘረጋ አሰራር ነው።

ይህ “የይቀበሉ ይሸለሙ” መርሃ ግብር ላለፉት ሰባት ዙሮች የተካሄደ ሲሆን በርካታ የባንኩን ደንበኞች በባንኩ ቅርንጫፎች በኩል የውጭ ምንዛሪ ሲቀበሉም ሆነ ሲመነዝሩ  በሚሰጣቸው የዕጣ ኩፖን የተሽከርካሪዎችና የተለያዩ ኤሌክትሮኒክስ እቃዎች ሽልማቶች እድለኛ ሆነውበታል።

የዛሬው 7ኛ ዙር የይቀበሉ ይሸለሙ ፕሮግራም  በብሄራዊ ሎተሪ በተካሄደው ይፋ የዕጣ አወጣጥ ስነስርዓት መሰረት እጣ ለወጣላችሁ እድለኞች የተዘጋጀውን የሱዙኪ የቤት አውቶሞቢል፣ የፍላት ስክሪን ቴሌቪዠኖችና የሳተላይት ዲኮደሮች ሽልማት  በማስረከብ ይጠናቀቃል። የዚህ ፕሮግራም ስምንተኛ ዙር በቅርቡ የተጀመረ ሲሆን ደንበኞች እንደተመለደው አገልግሎቱን በመጠቀም የሽልማት አሸናፊ እንዲሆኑ የሚያስችላቸውን የነቃ ተሳትፎ እንዲያደርጉ ባንኩ ይጋብዛል።

ሁለተኛው የአገልግሎት አይነት የታክሲና ባጃጅ አሽከርካሪዎችና ባለንብረቶች የቁጠባ ሂሳብ በመክፈት የየዕለት ቁጠባ ልምዳቸውን እንዲያዳብሩና ነገ ያሰቡበት ራዕይ ላይ እንዲደርሱ የተመቻቸ “የታክሲና ባጃጅ አሽከርካሪዎችና ባለንብረቶች ቁጠባ አገልግሎት” ነው። ለአራት ተከታታይ ዙሮች በተካሄደው በዚህ አገልግሎት ባንካችን በሃገራችን ለመጀመሪያ ጊዜ የየዕለት ገቢ ያላቸውን የታክሲና የባጃጅ አሽከርካሪዎችና ባለንብረቶች የቁጠባ ባህል ለማሳደግ ነገን ከወዲሁ እንዲሰሩት የሚያስችል እድል ከፍቷል።

ይህንን አገልግሎት የሚጠቀሙ ደንበኞችን ለማበረታታትም ባንኩ የዕጣ ኩፖኖችን በማዘጋጀት ላለፉት ሶስት ዙሮች የተለያዩ ዓይነት ሽልማቶችን አዘጋጅቶ ለእድለኞች አስረክቧል። በዛሬው አራተኛው ዙር ማጠናቀቂያ ፕሮግራምም በተመሳሳይ እጣ ለወጣላቸው እድለኞች ሱዙኪ የቤት አውቶሞቢል፣ ባለሶስት እግር ተሽከርካሪዎችና ዘመናዊ የሞባይል ቀፎዎችን  ለሽልማት አዘጋጅቷል።  የዚህ አገልግሎት አምስተኛ ዙር በቅርቡ ተጀምሮ በሂደት ላይ በመሆኑ የታክሲና ባጃጅ ባለንብረቶች የቁጠባ ሂሳብ በመክፈት የቁጠባውም ፣ የማበረታቻ ዕጣውም ተጠቃሚ እንዲሆኑ ባንካችን ይጋብዛል።

ቡና ኢንተርናሽናል ባንክ ዛሬ እዚህ ዋና መስሪያ ቤቱ ድረስ የተገኛችሁና የሁለቱም አገልግሎቶች ተጠቃሚ በመሆን የሽልማቶቹ እድለኛ የሆናችሁትን ደንበኞቹን በድጋሚ እንኳን ደስ አላችሁ ለማለት ይወዳል።

ወደፊትም ባንካችን የባለራዕዮች ባንክ ነውና ለጋራ ራዕያችን መሳካት ከባንኩ ጋር ያላችሁን ደንበኝነት በማጠናከር የአገልግሎቶቹ ተጠቃሚ አንድትሆኑ፣ ከወዳጅ ዘመዶቻችሁ ጋር በጋራ በመሆን በቡና ባንክ ቤተሰብነታችሁም እንድትቀጥሉ  ጥሪዬን አቀርባለሁ።

ሁላችሁም እንኳን ደስ አላችሁ !!!

አመሰግናለሁ

Tags:

           ቡና ባንክ .

          BUNNA BANK S.C

    ለቡና ባንክ አ.ማ ባለአክስዮኖች በሙሉ

    ዕጩ የዳይሬክተሮች ቦርድ አባላትን ጥቆማ ለመቀበል ተሻሽሎ የወጣ ማስታወቂያ

    የቡና ባንክ አ.ማ የባለአክስዮኖች ጠቅላላ ጉባዔ ታህሳስ 11 ቀን 2013 ዓ.ም ባካሄደው 11ኛ መደበኛ ስብሰባው ያቋቋመው “የዳይሬክተሮች ቦርድ አባላት ጥቆማና አስመራጭ ኮሚቴ” ከሐምሌ 01 ቀን 2013 ዓ.ም ጀምሮ የዕጩ ጥቆማዎችን በመቀበል ላይ የሚገኝ ሲሆን የቦርድ አባላትን ለመጠቆም የሚያስችለውን የጥቆማ መሙያ ቅጽ ከቡና ባንክ አ.ማ ድረ-ገጽ https://www.bunnabanksc.com ወይም አዲስ አበባ ቦሌ መንገድ ሩዋንዳ መታጠፊያ የባንኩ ዋና መስሪያ ቤት 8ኛ ፎቅ ከሚገኘው የኮሚቴው ጽ/ቤት ወይም ከባንኩ ቅርንጫፎች ማግኘት ይቻላል፡፡

    ስለሆነም ባለአክስዮኖች ለዳይሬክተሮች የቦርድ አባልነት ብቁ የሆኑትን ፤ ለባንኩ ሁለንተናዊ ዕድገት ከፍተኛ አስተዋፅኦ ማበርከት የሚችሉትን እና ከታች የተዘረዘሩትን መስፈርቶች የሚያሟሉትን ዕጩዎች በቅፁ ላይ በጥንቃቄ በመሙላት እስከ ጥቅምት 01 ቀን 2014 ዓ.ም ድረስ ብቻ ከላይ በተገለፀው የኮሚቴው ጽ/ቤት በአካል በማቅረብ ወይም አድራሻውን ለቡና ባንክ አ.ማ የዳይሬክተሮች ቦርድ አባላት ጥቆማና አስመራጭ ኮሚቴ በማለት በባንኩ የፓ.ሣ.ቁጥር 1743 ኮድ 1110 በአደራ ደብዳቤ በመላክ ወይም የተሞላውን ቅጽ ስካን በማድረግ ለዚሁ ዓላማ በተዘጋጀው በባንኩ ኢሜይል bibnomination@bunnabanksc.com አያይዛችሁ በመላክ ለባንኩ ዕድገት የበኩላችሁን አስተዋፅኦ እንድታደርጉ ጥሪያችንን እናቀርባለን፡፡

    ተጠቋሚ ዕጩ የዳይሬክተሮች ቦርድ አባላት የሚከተሉትን መስፈርቶች ማሟላት ይጠበቅባቸዋል፡-

    1. በዜግነት ኢትዮጵያዊ/ት ወይም የውጭ ሀገር ዜግነት ካለው/ላት በትውልድ ኢትዮጵያዊ/ት የሆነ/ች፤
    2. ዕድሜው/ዋ 30 ዓመት ወይም ከዚያ በላይ የሆነ/ች፤
    3. የዳይሬክተሮች የቦርድ አባል ሆኖ ቢመረጥ /ሆና ብትመረጥ ለመስራት ፈቃደኛ የሆነ/ች፤
    4. ከታወቀ የከፍተኛ የትምህርት ተቋም ቢያንስ በመጀመሪያ ዲግሪ ወይም በአቻ የትምህርት ደረጃ የተመረቀ/ች፤
    5. የዳይሬክተሮች የቦርድ አባላት ስብስብ በባንክ ስራ፣ በፋይናንስ፣ በአካውንቲንግ፣ በማኔጅመንት፣ በኢኮኖሚክስ፣ በሕግ፣ በቢዝነስ አስተዳደር ፣ በኦዲቲንግ ፣ በኢንፎርሜሽን ቴክኖሎጂ ወይም በኢንቨስትመንት ማኔጅመንት መሠረታዊ ክህሎትን /ችሎታን ያካተተ እና የፆታ ስብጥርን ያገናዘበ ቢሆን ይመረጣል፤
    6. የፋይናንስ ድርጅት የቦርድ ዳይሬክተር ያልሆነ/ች ወይም ዳይሬክተሩ/ሯ 10% ወይም ከዚያ በላይ የባለቤትነት ድርሻ ያልያዘበት/ችበት የንግድ ድርጅት፤
    7. የማንኛውም ባንክ ተቀጣሪ ሠራተኛ ያልሆነ/ች፤
    8. የቡና ባንክ አ.ማ የዳይሬክተሮች ቦርድ ጥቆማና አስመራጭ ኮሚቴ አባል ያልሆነ/ች፤
    9. በግሉ/ሏ ወይም ሌላ ባለአክስዮንን በመወከል በቡና ባንክ አ.ማ ውስጥ ለተከታታይ ስድስት ዓመታት በቦርድ አባልነት አገልግሎ/ላ ከሆነ/ች ከለቀቀበት/ችበት ጊዜ ጀምሮ ስድስት ዓመታት ያለፈው/ፋት፤
    10. በብሔራዊ ባንክ እምነት መሰረት ታማኝ ፣ ሐቀኛ፣ ጠንቃቃ እና መልካም ዝና ያለው/ላት፤
    11. መልካም የፋይናንስ ታሪክና አቋም ያለው/ያላት ፤ የንግድ ሥራን ከመተግበር ወይም ድርጅትን ከመምራት አኳያ በፍርድ ቤት የመክሰር ውሳኔ ያልተላለፈበት/ባት፣ ከታክስ እና ከባንክ ክፍያዎች ጋር በተያያዘ ግዴታዎቹን/ቿን በአግባቡ የተወጣ/ች፤
    12. መልካም ስነምግባር ያለው/ላት፣ከዚህ በፊት በንግድ ማህበር አደራጅነት፣ ዳይሬክተርነት፣ ስራ አስኪያጅነት፣ተቆጣጣሪነት፣ኦዲተርነት ወይም በሌሎች የአመራር ኃላፊነቶች ላይ ተመድቦ/ባ ሲሰራ/ስትሰራ ከኃላፊነቱ/ቷ ጋር በተያያዘ ወይም በማናቸውም ሌላ ሁኔታ በኢትዮጵያ ውስጥም ሆነ ከኢትዮጵያ ውጭ በእምነት ማጉደል፣ በስርቆት ፣ በማጭበርበር፣ በውንብድና ወይም በሌላ ለቦርድ አባልነት ብቁ በማያደርግ ተመሳሳይ ወንጀል በፍ/ቤት ተከሶ/ሳ የጥፋተኝነት ውሳኔ ያልተሰጠበት/ባት፤
    13. ከመንግስት ባለስልጣናት መረጃን በመደበቅ፣ የተሳሳቱ የሂሳብ ወይም ሌሎች ሰነዶችን በመስጠት፣ የተቆጣጣሪ አካላትን ማረጋገጫዎች ባለመቀበል፣ መስፈርቶችን ባለማሟላት ፣ የእርምት ወይም የማስተካከያ እርምጃዎችን ባለመውሰድ ሪከርድ የሌለበት/ባት፤
    14. በኢትዮጵያ ውስጥም ሆነ በውጭ ሃገር በሚገኝ በማናቸውም በፈረሰ ባንክ ውስጥ ዳይሬክተር የነበረ/ች ከሆነ በቅድሚያ ከብሔራዊ ባንክ የጽሁፍ ፈቃድ ማቅረብ የሚችል/ ምትችል፤
    15. ዕጩ ተጠቋሚው በሕግ የሰውነት መብት የተሰጠው ድርጅት ከሆነ፤ ድርጅቱን ወክሎ የሚያገለግል ቋሚ ተወካይ (የተፈጥሮ ሰው) መመደብ ያለበት ሲሆን ይህ ተወካይ ሁሉንም መስፈርቶች ማሟላት ይጠበቅበታል፤
    16. መስፈርቱን የሚያሟሉ ሴት ዕጩዎች ይበረታታሉ፤

     

    ለበለጠ መረጃ ባለአክስዮኖች በስልክ ቁጥር 011-8-722845/011-1-264357 ደውለው ማብራሪያ ማግኘት ይችላሉ፡፡

     

    ማሳሰቢያ፤

    ኮሚቴው ከጥቅምት 01 ቀን 2014 . በኋላ የሚቀርቡ ጥቆማዎችን የማይቀበል መሆኑን ከወዲሁ ያሳስባል!!!

    NameDownloads
    እጩ መጠቆሚያ ቅጽ

    የቡና ባንክ አ.ማ

    የዳይሬክተሮች ቦርድ አባላት አስመራጭ ኮሚቴ

    Bunna Bank