New to site?


Login

Lost password? (X)

Already have an account?


Signup

(X)
Farooq

የጋራ ስምምነት መግባቢያ ሰነድ ተፈረመ

HomeNewsየጋራ ስምምነት መግባቢያ ሰነድ ተፈረመ
25
Mar
የጋራ ስምምነት መግባቢያ ሰነድ ተፈረመ
  • Author
    Genet Fekade
  • Comments
    0 Comments
  • Category

ቡና ባንክ እና የኢትዮጲያ ኢንደስትሪ ግብአቶች ልማት ድርጅት በጋራ ለመስራት የሚያስችላቸውን የመግባቢያ ሰነድ ተፈራረሙ

ስምምነቱ ሁለቱንም ተቋማት ተጠቃሚ የሚያደርግ ነው ተብሏል።

በኢትዮጲያ ስካይላይት ሆቴል በተካሄደው የስምምነት ፊርማ ስነስርዓት ላይ የተገኙት የንግድና ኢንደስትሪ ሚኒስቴር የኢንደስትሪ ዘርፍ ሚኒስትር ዲኤታና የኢግልድ ቦርድ ሰብሳቢ አቶ ተካ ገብረየስ ድርጅቱ ለባንክ አገልግሎት ፍላጎቶቹ ቡና ባንክን መምረጡ የተሻለ ተጠቃሚ ያደርገዋል የሚል እምነት እንዳላቸው ተናግረዋል።

በጋራ መስራት ለውጥ ያመጣል ያሉት ሚኒስትር ዲኤታው በሁለቱም ድርጅቶች መካከል የተፈረመው ስምምነት ዘላቂ እንዲሆንና ሁለቱንም ተቋማት እኩል ተጠቃሚ እንዲያደርግ የተባበረ ጥረት ያስፈልጋል ብለዋል።

የቡና ባንክ ቺፍ ባንኪንግ ሰርቪስ ኦፊሰር አቶ ለውጤ ጥሩሰው በበኩላቸው ባንኩ ከዚህ ቀደምም ከተለያዩ ተቋማት ጋር መሰል ስምምነቶችን በመፈጸም ለሰራተኞች እና ለተቋሙ የባንክ ፍላጎቶች አፋጣኝ እና አጥጋቢ ምላሽ ሲሰጥ መቆየቱን ጠቅሰዋል።

ይህ የዛሬው ስምምነትም የዚሁ ሂደት አንድ አካል መሆኑን የገለጹት አቶ ለውጤ ሁለቱ ተቋማት ለዚህ ስምምነት እንዲበቁ በሂደቱ አስተዋጽዖ ያበረከቱትን አካላት አመስግነዋል።

በቀድሞ ስሙ ጅንአድ ተብሎ ይጠራ የነበረው የኢንደስትሪ ግብዓቶች ልማት ድርጅት ዋና ስራ አስፈጻሚ ወይዘሮ የሺመቤት ነጋሽ እና የቡና ባንክ ዲፖዚት ሞቢላይዜሽን ዳይሬክተር አቶ ቢኒያም ጥላሁን በየበኩላቸው ባደረጉት ንግግር ይህ ስምምነት የመጀመሪያ እንጂ የመጨረሻ እንደማይሆን ገልጸው ለተቋማቱ ዘላቂ ጥቅም በጋራ መስራት ይገባል ብለዋል።

ስምምነቱ ቡና ባንክ ለኢንደስትሪ ግብአቶች ልማት ድርጅ ሰራተኞች ብድር እና የመሳሰሉ ፋይናንስ አገልግሎቶችን እንዲሰጥ፣ የኢንደስትሪ ግብአቶች ልማት ድርጅትም የፋይናንስ አገልግሎቱን በቡና ባንክ በኩል እንዲያደርግ የሚያስችል መሆኑም በፊርማ ስነስርዓቱ ወቅት ተገልጿል።

Tags:

    Bunna Bank