New to site?


Login

Lost password? (X)

Already have an account?


Signup

(X)
Farooq

News

ቡና ባንክ ለኮረና ቫይረስ ወረርሽኝ (ኮቪድ-19) ለመከላከል የሁለት ሚሊዮን ብር ድጋፍ አደረገ ለደንበኞቹም የተለያዩ የአገልግሎት ማሻሻያዎችን አቅርቧል

ቡና ኢንተርናሽናል ባንክ በዓለም አቀፍ ብሎም በአገራችን ደረጃ ከፍተኛ ስጋትን ያንዣበበውን የኮሮና ቫይረስ (ኮቢድ19) ወረርሽኝ ለመከላከል ለብሄራዊ የሃብት አሰባሳቢ ኮሚቴ የሁለት ሚሊዮን ብር ድጋፍ አደረገ፡፡

ቡና ባንክ በትናንትናው ዕለት በሰላም ሚኒስቴር አዳራሽ ብሄራዊ ድጋፍ አሰባሳቢ ኮሚቴው ሰብሳቢ አምባሳደር ምስጋናው አረጋ ያስረከበ ሲሆን ፤ከአስከፊ በሽታው መስፋፋት ጋር በተያያዘ በአገራችን የሚያርሰውን ጉዳት ለመከላከል በሚደረገው ጥረት አጋርነቱን ለማሳዬትና የመንግስትን ጥሪ ተከትሎ ምልሽ ለመስጠት የተደረገ ድጋፍ መሆኑን ተገልጾአል፡፡

አምባሳደር ምስጋናው አረጋ የእርዳታ ድጋፉን ከተቀበሉ በኋላ ባደረጉት ንግግር የኮቪድ 19 በሽታ በአገራችን የሚያደርሰውን ጉዳት ለመከላከል ባንኮችን ጨምሮ የተለያዩ የማህበሰብ ክፍሎች የተጠናከረ ድጋፍ ማድረጋቸው የሚያስመሰግናቸው መሆኑን በመግለጽ በዚህ መልኩ ትብብሩ የሚጠናከር ከሆነ በአጭር ጊዜ ውስጥ የጉዳት መጠኑን በመቀነስ መከላከል ይቻላል ብለዋል፡፡

ቡና ኢንተርናሽናል ባንክ በተጨማሪም ለደንበኞቹ ኮሮና ቫይረስ (ኮቢድ19) ወረርሽኝ እያስከተላቸው የሚገኙ ተጽዕኖዎችን ለመቋቋም የሚያስችሉ የተለያዩ የአገልግሎት ማሻሻያዎችንና የጥንቃቄ ርምጃዎችን በመውሰድ ላይ እንደሚገኝ በቅርቡ ማስታወቁ ይታወሳል፡፡

ቡና ባንክ ከአስከፊ በሽታው መስፋፋት ጋር በተያያዘ በዓለም አቀፍ የንግድ እንቅስቃሴ ላይ የተፈጠረውን ቀውስ ግምት ውስጥ በማስገባት ባንኩ ማሻሻያ ካደረገባቸው የባንኩ አገልግሎቶች መካከል የባንኩ ተበዳሪዎች የብድር ማራዘሚያ ክፍያ ኮሚሽን ይገኝበታል፡፡

በዚሁ መሰረት የባንኩ ተበዳሪ የሆኑ ደንበኞች ከዚህ ቀደም ይጠየቁ የነበረውን የብድር ማራዘሚያ ክፍያ ኮሚሽን ( የአገልግሎት ክፍያ) ከማርች 31 ቀን 2020 ጀምሮ ለቀጣይ ሁለት ወራት ሙሉ በሙሉ በማንሳት ለደንበኞቹ አጋርነቱን ገልጾአል፡፡

ባንኩ ተበዳሪዎች በኢኮኖሚ መቀዛቀዝ ሳቢያ ሊያጋጥማቸው የሚችለውን ብድር የመክፈል አቅም ውስንነት ከግምት ውስጥ በማስገባት የአገልግሎት ክፍያ በማስቀረቱ ወረርሽኝ ምክንያት የሚደርሰውን የኢኮኖሚ ተጽዕኖ ለመቀነስ ለሚደረገው ጥረት የበኩሉን ሚና መጫወቱን ያመለክታል፡፡

ቡና ባንክ የአገልግሎት ፈላጊዎች መተፋፋግ ለማስቀረትና አካላዊ ርቀትን ተጠብቆ አገልግሎት እንዲሰጥ ከማድረጉ ባሻገር በሞባይል ባንክ  እስከ 30 ሺ ብር ድረስ፤በኢንተርኔት እንደ ደንበኞች ጥያቄና ፍላጎትን መሰረት ባደረግ መልኩ የገንዘብ መጠኑ የሚስተናገድ ሲሆን ፤ በቡና ኤቴኤም አገልግሎት በአንድ ጊዜ ሲሰጥ የነበረውን የገንዘብ መጠን እስከ አስር ሺ ብር ድረስ በማሳደግ እንዲያስተላልፉና እንዲገበያዬ ምቹ በማድረግ ደንበኞቹ ወደ ቅርንጫፎች መምጣት ሳያስፈልጋቸው በሞባይል፤በኤቴኤምና በፖስ የመክፈያ ማሽን እንዲጠቀሙ ማመቻቸቱን ይታወቃል፡፡

ለኮረና ቫይረስ የመከላከል ዘመቻ የገንዘብ ድጋፍ ማድረግ ለሚፈልግ ብሄራዊ ድጋፍ አሰባሳቢ ኮሚቴው በአገር አቀፍ ደረጃ ለሚያካሂደው በሽታውን የመከላለል ዘመቻው ገንዘብ ለማሰባሰብ በቡና ኢንተርናሽናል ባንክ የሂሳብ ቁጥር 1019601001853 የከፈተ በመሆኑ ማንኛውም ኢትዮጵያዊ በአገር አቀፍ ደረጃ በሽታውን ለመከላከል ለሚካሄደው ዘመቻ የበኩሉን ድጋፍ በማድረግ አጋርነቱን ማሳዬት ይችላል፡፡

/ News

wash your hands!

/ News

ቡና ባንክ ከኮረና ቫይረስ ወረርሽኝ (ከኮቪድ-19 )ጋር በተያያዘ የአገልግሎት ማሻሻያዎችን አደረገ

ቡና ኢንተርናሽናል ባንክ ለደንበኞቹ ኮሮና ቫይረስ(ኮቢድ19) ወረርሽኝ እያስከተላቸው የሚገኙ ተጽዕኖዎችን ለመቋቋም የሚያስችሉ የተለያዩ የአገልግሎት ማሻሻያዎችንና የጥንቃቄ ርምጃዎችን በመውሰድ ላይ እንደሚገኝ አስታወቀ፡፡

ቡና ባንክ ከአስከፊ በሽታው መስፋፋት ጋር በተያያዘ በዓለም አቀፍ የንግድ እንቅስቃሴ ላይ የተፈጠረውን ቀውስ ግምት ውስጥ በማስገባት ባንኩ ማሻሻያ ካደረገባቸው የባንኩ አገልግሎቶች መካከል የባንኩ ተበዳሪዎች የብድር ማራዘሚያ ክፍያ ኮሚሽን ይገኝበታል፡፡

በዚሁ መሰረት የባንኩ ተበዳሪ የሆኑ ደንበኞች ከዚህ ቀደም ይጠየቁ የነበረውን የብድር ማራዘሚያ ክፍያ ኮሚሽን ( የአገልግሎት ክፍያ) ከማርች 31 ቀን 2020 ጀምሮ ለቀጣይ ሁለት ወራት ሙሉ በሙሉ በማንሳት ለደንበኞቹ አጋርነቱን ገልጾአል፡፡

ባንኩ ተበዳሪዎች በኢኮኖሚ መቀዛቀዝ ሳቢያ ሊያጋጥማቸው የሚችለውን ብድር የመክፈል አቅም ውስንነት ከግምት ውስጥ በማስገባት የአገልግሎት ክፍያ በማሰቀረቱ ወረርሽኝ ምክንያት የሚደርሰውን የኢኮኖሚ ተጽዕኖ ለመቀነስ ለሚደረገው ጥረት የበኩሉን ሚና መጫወቱን ያመለክታል፡፡

ቡና ባንክ የአገልግሎት ፈላጊዎች መተፋፋግ ለማስቀረትና አካላዊ ርቀትን ተጠብቆ አገልግሎት እንዲሰጥ ከማድረጉ ባሻገር በሞባይል ባንክ ፤በኢንተርኔት እና በቡና ኤቴኤም አገልግሎት በአንድ ጊዜ ሲሰጥ የነበረውን የገንዘብ መጠን እስከ አስር ሺ ብር ድረስ በማሳደግ እንዲያስተላልፉና እንዲገበያዬ ምቹ በማድረግ ደንበኞቹ ወደ ቅርንጫፎች መምጣት ሳያስፈልጋቸው በሞባይል፤በኤቴኤምና በፖስ የመክፈያ ማሽን እንዲጠቀሙ ማመቻቸቱን አስታውቋል፡፡

ባንኩ በተጨማሪም ቫይረሱን ስርጭቱን ለመግታት የሚያስችሉ ከደንበኞች አገልግሎት ጋር የተያያዙ ሰራተኞች የአፍ መሸፈኛ(ማስክ)፤የእጅ ጓንት እና ሳኒታይዘሮችን በማሰራጨት ርቀታቸውን ጠብቀው በጥንቃቄ አገልግሎቱን እንዲሰጡ እየተደረገ መሆኑን አስረድቷል፡፡

በሌላ በኩል ባንኩ ቫይረሱን ለመከላከል የሚያስችሉ የተለያዩ እርምጃዎችን እየወሰደ ሲሆን፤ነፍሰ ጡሮችንና እድሜያቸው ከ55 ዓመት በላይ የሆኑ እንዲሁም የታወቀ የጤና ችግር ያለባቸው ሰራተኞች ሆኖ ከአፕሪል 1 ጀምሮ ለ14 ቀናት በቤታቸው እንዲቆዩ ወስኗል፡፡

/ News

ቡና ኢንተርናሽናል ባንክ አ.ማ. ከታክስ በፊት 625 ሚሊዮን ብር አተረፈ

ቡና ኢንተርናሽናል ባንክ በተጠናቀቀው የ2011 የበጀት ዓመት ከታክስ በፊት 625 ሚሊዮን ብር ማትረፉን የባንኩ የዳይሬክተሮች ቦርድ ሰብሳቢና ዋና ስራ አስፈጻሚ አስታወቁ፡፡

የቦርድ ሰብሳቢው ዶ/ር ሰውአለ አባተ እና ዋና ስራአስፈጻሚው አቶ ሙሉጌታ ዓለማየሁ ህዳር 28 ቀን 2012 ዓ.ም. በሚሊኒየም አዳራሽ ለባለአክሲዮኖች አስረኛ ጠቅላላ ጉባኤ ባቀረቡት ሪፖርት እንዳስታወቁት፤ባንኩ ያገኘው የትርፍ መጠን ከካቻምናው በ198 ሚሊዮን ብር ወይም በ46.4 በመቶ ጭማሬ አስመዝግቧል፡፡

የባንኩ ውጤታማነት የተመዘገበው ባንኩ ሊቀነሱ የሚችሉ ወጪዎችን በጥንቃቄ በማስተዳደርና ያለውን ውስን ሃብት በአግባቡ ጥቅም ላይ በማዋል በተደረገው ጥረት መሆኑን የባንኩ ከፍተኛ ሃላፊዎች አስታውቀዋል፡፡

በዚሁ መሰረት ባንኩ በበርካታ መስፈርቶች ከፍተኛ እድገት እንዳስመዘገበ ገልጸው፤የባንኩን ቀጣይ እድገት የሚያስቀጥሉና ተደራሽነቱን የሚያሰፉ 34 አዳዲስ ቅርንጫፎችን በመክፈት እንዲሁም አዳዲስ አገልግሎቶችን የሞባይል፤የኢንተርኔት፤የወኪል እንዲሁም ከወለድ ነጻ የባንክ አገልግሎትን በማስፋፋትና በማጠናከር በኩል ሰፊ ስራዎችን እንደሚሰራ አስታውቀዋል፡፡

በሌላ በኩል ባንኩ ቋሚ ሃብትን ለማፍራት ባደረገው ጥረትም በአዲስ አበባ እና በባህርዳር ከተሞች የራሱን ህንጻ በግዥ ባለቤት መሆን እንደቻለ የገለጹት የባንኩ ከፍተኛ ሃላፊዎች፤ የባንኩን የተከፈለ ካፒታሉን ወደ ብር 1.8 ቢሊየን ብር፤አጠቃላይ ሃብቱንም ወደ 14 ቢሊዮን ብር ለማሳደግ እንደተቻለ አብራርተዋል፡፡

ባንኩ በአስር ዓመት ውስጥ ካስመዘገበው ውጤት የላቀ ውጤት በሚቀጥሉት አምስት ዓመታት ለማስመዝገብ የሚያስችል የአምስት ዓመት ስትራቴጂክ ዕቅድ መነደፉን የገለጹ ሲሆን፤በተያዘው የበጀት ዓመት ወደ ትግበራ በመገባቱ በቀጣይ ዓመታት ዘርፍ ብዙ እመርታዎች እንደሚጠበቁ ከባንኩ ከፍተኛ የሥራ ሃላፊዎች ገለጻ ለመረዳት ተችሏል፡፡ 

/ News



ቡና ኢንተርናሽናል ባንክ አ.ማ የ11ኛ መደበኛ ጠቅላላ ጉባኤ እና 4ኛ ድንገተኛ ጠቅላላ ጉባኤ ጥሪ


በኢትዮጵያ ንግድ ሕግ አንቀጽ 418፣ 419 እና 423 እንዲሁም በባንኩ መመስረቻ ጽሁፍ አንቀጽ 11.3.7 እና በመተዳደሪያ ደንብ አንቀጽ 6.3 መሠረት የቡና ኢንተርናሽናል ባንክ አ.ማ የባለአክሲዮኖች 11ኛ መደበኛ ጠቅላላ ጉባኤ እና 4ኛ ድንገተኛ ጠቅላላ ጉባዔ ታህሳስ 11 ቀን 2013 ዓ.ም ከጠዋቱ 2፡00 ሰዓት ጀምሮ ጦርሃይሎች አካባቢ በሚገኘው ጎልፍ ክለብ ውስጥ ይካሄዳል፡፡

ስለሆነም የባንኩ ባለአክሲዮኖች በአካል ወይም በሕጋዊ ተወካዮቻችሁ አማካኝነት በተጠቀሰው ቀን፣ ሰዓትና ቦታ ጉባኤው ላይ እንድትገኙ ባንኩ በአክብሮት ጥሪውን ያቀርባል፡፡

የ4ኛ ድንገተኛ ጠቅላላ ጉባኤ አጀንዳዎች

1) ረቂቅ አጀንዳዎችን ማጽደቅ፣

2) በባንኩ የመመስረቻ ጽሑፍና መተዳደሪያ ደንብ ማሻሻያ ላይ ተወያይቶ ማጽደቅ

3) የጉባኤውን ቃለ-ጉባኤ ማጽደቅ

የ11ኛ ዓመታዊ ጠቅላላ ጉባኤ አጀንዳዎች

1) ረቂቅ አጀንዳዎችን ማጽደቅ፣

2) በባንኩ ውስጥ የተደረጉ የአክሲዮን ዝውውሮችን እና የአዲስ አክሲዮኖችን ሽያጭ መርምሮ ማጽደቅ፣

3) እ.ኤ.አ የ2019/20 የዳይሬክተሮች ቦርድ ዓመታዊ ሪፖርት ማዳመጥ፣

4) እ.ኤ.አ የ2019/20 የውጭ ኦዲተሮች ቦርድ ዓመታዊ የኦዲት ሪፖርትን ማዳመጥ፣

5) በተራ ቁጥር 3 እና 4 የቀረቡትን ሪፖርቶች ተወያይቶ ማጽደቅ፣

6) የዳይሬክተሮች ቦርድ አባላት ጥቆማ እና ምርጫ አፈፃፀም የአሰራር ደንብ ማሻሻያን መርምሮ ማጸደቅና የአስመራጭ ኮሚቴ አባላት አበልን መወሰን፣

7) የዳይሬክተሮች ቦርድ አስመራጭ ኮሚቴን መምረጥ፣

8) እ.ኤ.አ የ2020/21 በጀት ዓመት የዳይሬክተሮች ቦርድ ወርሃዊ አበልና ዓመታዊ ክፍያ ላይ ተወያይቶ መወሰን፣

9) እ.ኤ.አ የ2020/21 በጀት ዓመት የውጭ ኦዲተሮችን ሹመት ማጽደቅና አበል መወሰን፣

10) በዘመኑ የተጣራ ትርፍ አደላደል እና አከፋፈል ላይ የቀረበውን የውሳኔ ሐሳብ መርምሮ መወሰን፣

11) የጉባኤውን ቃለ-ጉባኤ ማጽደቅ፣ የሚሉት ናቸው፡፡

ማሳሰቢያ

1. በጉባኤው ላይ በአካል መገኘት የማይችሉ ባለአክሲዮኖች አግባብነት ካለውና ሕጋዊ ውክልና መስጠት ከሚችል የመንግሥት አካል የተሰጠ’ በስብሰባው ላይ ለመገኘትና ድምጽ ለመስጠት የሚያስችል የውክልና ሰነድ ወይም ከስብሰባው ሶስት ቀን ቀደም ብሎ ቦሌ መንገድ ከወሎ ሰፈር አደባባይ ቀጥሎ ርዋንዳ መታጠፊያ ከመድረሱ በፊት በሚገኘው የባንኩ ዋና መ/ቤት 4ኛ ፎቅ የባንኩ ፋይናንስ ዳይሬክቶሬት ቢሮ ድርስ በመቅረብ የውክልና ፎርም (ቅጽ) በመሙላት፣ ሌላ ሰው በመወከል የውክልና ሰነዱን ወይም ቅጹን ዋናውንና አንድ ቅጂ ይዘው በመምጣት በጉባዔው መሳተፍ የሚችሉ መሆኑን በአክብሮት እናስታውቃለን፡፡

2. ባለአክስዮኖችም ሆኑ ህጋዊ ወኪሎቻቸው ወደ ስብሰባው ቦታ ሲመጡ የራሳቸውንም ሆነ የተወካዮቻቸውን ሕጋዊ የታደሰ መታወቂያ ካርድ ዋናውን እና ፎቶ ኮፒውን መያዝ አለባቸው፡፡

3. ባንኩ የባለአክሲዮኖችን የመለያ ቁጥር ባስመዘገባችሁት ተንቀሳቃሽ ስልክ የሚልክ ሲሆን& ይህንኑ ቁጥር በስብሰባው ዕለት ይዛችሁ እንድትመጡ በአጽንኦት እንጠይቃለን፡፡

4. ከላይ በተ.ቁ. 2 ላይ የተገለፀውን የወካዩን ኢትዮጵያዊ ዜግነት የሚያረጋግጥ ሕጋዊና የታደሰ መታወቂያ፣ ፓስፖርት ወይም መንጃ ፈቃድ ኮፒ ይዘው የማይመጡ ተወካዮች በጉባኤው ላይ መሳተፍ የማይችሉ መሆኑን በአክብሮት እናሳውቃለን፡፡ በተጨማሪም የድርጅት ተወካዮች ድርጅቱን ወክለው በስብሰባው እንዲገኙና ድምጽ እንዲሰጡ መወከላቸውን የሚያረጋግጥ የተመዘገበ ቃለ-ጉባዔ ወይም በውል አዋዋይ ፊት የተሰጠ ውክልና ዋናውን እና ኮፒውን ይዘው መቅረብ ያለባቸው መሆኑን እናስታውቃለን፣፡

5. የብሄራዊ ባንክ ያስቀመጠውን የውክልና አሰጣጥ መጠን ገደብ ከኮሮና ወረርሽኝ ጋር በተያያዘ ለጊዜው ያነሳ በመሆኑ ወረርሽኙን ለመከላከል ሲባል ባለአክሲዮኖች በጉባዔው በውክልና እንዲሳተፉ ይበረታታሉ፡፡

6. ተጨማሪ መረጃ ቦሌ መንገድ ከወሎ ሰፈር አደባባይ ቀጥሎ ወደሩዋንዳ መታጠፊያ ከመድረሱ በፊት በሚገኘው የባንኩ ዋና መ/ቤት በአካል በመቅረብ ወይም በስልክ 0111580880 / 262822 / 262810 በመደወል ማግኘት ይችላሉ፡፡

የቡና ኢንተርናሽናል ባንክ አ.ማ

የዳይሬክተሮች ቦርድ

ቡና ኢንተርናሽናል ባንክ

የባለራዕዮች ባንክ!!!

Bunna Bank