Samuel Aynalem

የቡና ባንክ አ.ማ. ከጥቅምት 19-20 2019 ዓ.ም ለሁለት ቀናት ሲያካሂድ የቆየውን የ2026/27 በጀት ዓመት የመጀመሪያ ሩብ ዓመት የሥራ አፈጻጸም ግምገማ በደማቅ የሽልማትና የእውቅና ሥነ-ሥርዓት አጠናቋል። በዚሁ የሽልማት መርሃ-ግብር ላይ በሩብ ዓመቱ ከተቀመጠላቸው የውጤት መለኪያ አንጻር 100% እና ከዚያ በላይ በማስመዝገብ የላቀ አፈጻጸም ያሳዩ 66 ቅርንጫፎች በሙሉ የልዩ ምስክር ወረቀት መሆናቸው ታውቋል። ከእነዚህም መካከል 22 ቅርንጫፎች ከደቡብ አዲስ አበባ፣ 19 ከምዕራብ አዲስ አበባ፣ 17 ከምስራቅ አዲስ አበባ እንዲሁም 8 ቅርንጫፎች ከአዳማ ዲስትሪክት የተውጣጡ ናቸው። ባንኩ ባዘጋጀው በዚሁ የሽልማት እና ማበረታቻ መርሃግብር ላይ በእነዚህ 4 ዲስትሪክቶች ስር የላቀ ውጤት በማስመዝገብ ከ1ኛ እስከ 3ኛ ደረጃ ይዘው ያጠናቀቁትን የቅርንጫፍ ኮከቦች ይፋ አድርጓል፦በዚህ መሰረት ፣ ከአዳማ ዲስትሪክት፦ የደረጃው ከፍተኛ የላቀ ዋንጫ እና የገንዘብ ተሸላሚ የአዳማ ቦኩ ቅርንጫፍ  ሲሆን፤ የአዳማ አራዳ ቅርንጫፍ 2ኛ እንዲሁም የቀርሳ ቅርንጫፍ 3ኛ ደረጃን በመያዝ አጠናቀዋል። ከምዕራብ አዲስ አበባ ዲስትሪክት፦ የእሪ በከንቱ ቅርንጫፍ በላቀ አፈፃፀም የዋንጫ እና የገንዘብ ተሸላሚ ሲሆን፤ የመሀል መርካቶ ቅርንጫፍ 2ኛ እንዲሁም የልደታ ቅርንጫፍ 3ኛ ደረጃን ይዘዋል። ከደቡብ አዲስ አበባ ዲስትሪክት፦ በሁሉም የደረጃ ስብስቦች ሴት የቅርንጫፍ ስራ አስኪያጆች ያሸነፉበት ይህ ዲስትሪክት፤ የአፍሪካ ህብረት ቅርንጫፍ  1ኛ በመሆን የላቀ ዋንጫውን ሲወስድ፤ የስታዲየም ቅርንጫፍ 2ኛ እንዲሁም የጎተራ ቅርንጫፍ 3ኛ ደረጃን አግኝተዋል። ከምስራቅ አዲስ አበባ ዲስትሪክት፦ የከበደ ሚካኤል ቅርንጫፍ በላቀ አፈፃፀም ዋንጫና የ1ኛ ደረጃ ሽልማትን ሲቀዳጅ፤ የሃያሁለት ማዞሪያ ቅርንጫፍ 2ኛ እንዲሁም የሻላ ቅርንጫፍ 3ኛ ደረጃን ይዘው የገንዘብና የምስጋና ምስክር ወረቀት ተሸላሚ ሆነዋል። በሥነ-ሥርዓቱ ላይ እንደተገለጸው፤ የተሰጡት ዋንጫዎች ተዘዋዋሪ ሲሆኑ፣ በበጀት ዓመቱ መጨረሻ ላይ በአራቱም ሩብ ዓመታት አማካይ ውጤት ከአጠቃላይ ዲስትሪክቱ አንደኛ የወጣው ቅርንጫፍ ዋንጫውን በቋሚነት የራሱ እንደሚያደርግ ተብራርቷል። በዲስትሪክቶች ደረጃ የተመዘገበውን ውጤት ተከትሎ፣የባንኩ ቺፍ ፋይናንስ እና ኮርፖሬት ሰርቪስ ኦፊሰር አቶ ለውጤ ጥሩሰውን ጨምሮ ከፍተኛ አመራሮች ሽልማቱን ያበረከቱ ሲሆን፤ በተቀመጠው የዉጤት መለኪያ መሰረት ግቡን እጥፍ በማድረግ 198.8% ያስመዘገበው የደብረማርቆስ ዲስትሪክት የሩብ ዓመቱ ታላቅ ኮከብ 1ኛ ደረጃ ተሸላሚ በመሆን የገንዘብ ሽልማትና የእውቅና ደብዳቤ ወስዷል። የደቡብ አዲስ አበባ ዲስትሪክት ግቡን 123.8% በማሳካት 2ኛ ደረጃን፣ የባህር ዳር ዲስትሪክት የግቡን 110.7% በማሳካት 3ኛ ደረጃን እንዲሁም የደብረ ብርሃን ዲስትሪክት የግቡን 106.2% በማሳካት 4ኛ ደረጃን በመያዝ የላቀ አፈጻጸም ያሳዩ የባንኩ የጥንካሬ ምሶሶዎች መሆናቸውን በማስመስከር ሽልማታቸዉን ወስደዋል። በማጠቃለያው የባንኩ ከፍተኛ አመራሮች ለተሸላሚዎች በሙሉ የእንኳን ደስ አላችሁ መልዕክት ያስተላለፉ ሲሆን፣ የተመዘገቡት ስኬቶች በቀጣዮቹ ሩብ ዓመታትም ይበልጥ ተጠናክረው እንዲቀጥሉና መላው የባንኩ ሰራተኛ ባንኩን ወደ ላቀ ከፍታ ለማውጣት በጋራ እንዲረባረብ አቅጣጫ በማስቀመጥ መርሃ-ግብሩ በስኬት ተጠናቋል።

የኤሌትሪክ ተሽከርካሪ (EV) ባትሪ ለመቀየር የሚኖረዉ ትልቅ ወጪ አስጨንቆታል? አሁን ጭንቀትዎ በቡና ባንክ ቀሏል! ቡና ባንክ ለኤሌትሪክ ተሸከርካሪ ባለቤቶች ልዩ የኢቪ ባትሪ ብድር አገልግሎት (EV Battery Financing Service) ይዞልዎት ቀርቧል። አሁኑኑ ወደ ቡና ባንክ Customer Onboarding በመግባት ወይም አቅራቢያዎት ወደሚገኝ ቅርንጫፍ በመሔድ ሒሳብ ይክፈቱ፡፡ ከመደበኛ ወለድ ከፍ ባለ የወለድ መጠን ቁጠባዎን እየቆጠቡ የባትሪዎ የአገልግሎት ዘመን ሲያበቃ ባንኩ አዲስ ባትሪ መግዣ ብድር ያመቻችልዎታል፡፡ ሊንኩን በመጫን ስለ አገልግሎታች ሙሉ መረጃ በመግኘት የአገልግሎታችን ተጠቃሚ ይሁኑ፡፡ ለበለጠ መረጃ ወደ ጥሪ ማዕከላችን 8501 ይደዉሉ፡፡ Link___ Buna Bank ቡና ባንክ — የባለራዕዮች ባንክ! #BunnaBank #BunnaCustomerOnBoarding #TransportSector #Innovation #EV #New

በቅርብ ቀን ይጠብቁን…. #BunnaBank #New #Innovation #TransportSector #BunnaCustomerOnBoarding

ክቡራን የባንካችን ደንበኞች፣ የተከበራችሁ ባለአክሲዮኖች፣ ባለድርሻ አካላት እና ለመላው የኢትዮጵያ ሕዝብ፤ በቅድሚያ፣ እንኳን ለአዲሱ የ2019 ዓ.ም ዘመን መለወጫ በዓል በሰላም አደረሳችሁ። “የባለራዕዮች ባንክ” በሆነው ባንካችን በየዕለቱ ታላላቅ አላማዎችን ለማሳካት ስንጓዝ፣ በባንካችን ላይ ላላችሁ ጽኑ እምነት እና በተግባር ላሳያችሁን ታማኝ አጋርነት በዚህ አጋጣሚ ከልብ እናመሰግናለን። የእድገት ጉዟችን እውነተኛ ማዕከል ሁልጊዜም ደንበኞቻችን እና ባለአክሲዮኖቻችን ናቸው። ባንካችንን ይበልጥ ዘመናዊ፣ ቀልጣፋ እና ለነገው የፋይናንስ ገበያ ጠንካራ ውድድር ዝግጁና ለደንበኞቻችን ምቹ ለማድረግ በርካታ የለውጥ እርምጃዎችን ወስደናል፦ የዲጂታል ባንኪንግና የብድር አገልግሎቶቻችንን በማስፋፋት ደንበኞቻችን እንከን የለሽ፣ ፈጣን እና የላቀ የባንክ አገልግሎት እንዲያገኙ አድርገናል። በአዲሱ ዓመትም ይህ ተነሳሽነት ይበልጥ ተጠናክሮ እንዲቀጥል ተግተን እንሰራለን። የባንካችን ቀጣይነት ያለው ስኬት የሚመነጨው ከባለአክሲዮኖቻችን የማያቋርጥ ድጋፍ መሆኑ እሙን ነው። በአዲሱ ዓመትም የባለአክሲዮኖቻችንን እሴት ከፍ የሚያደርጉ ውጤታማ ስራዎችን ለመስራት ተዘጋጅተናል። በሀገራችን አዲስ የተጀመረውን የሰነደ-መዋዕለ-ነዋይ ገበያን ጨምሮ ሌሎች የባንካችንን ዋና ቢዝነስ የሚደግፉ የገበያ ዕድሎችን በብቃት አሟጦ በመጠቀም፣ ጠንካራ የሪስክ አስተዳደር በመዘርጋትና የውስጥ አቅምን አሟጦ በመጠቀም የጋራ እድገታችንን እናረጋግጣለን። የቡና ባንክ እውነተኛ ስኬት የሚለካው ከናንተ – ከውድ ደንበኞቻችን እና ባለአክሲዮኖች – ጋር ባለው የጠበቀ ውጤታማ ግንኙነት ነው። በመሆኑም በ2019 ዓ.ም በአላማና በአንድነት በመቆም፣ አዳዲስ እሴቶችን በጋራ በመፍጠር እና የአገልግሎት ጥራታችንን ከፍ በማድረግ መጪውን ጊዜ በአንድነት እንገነባለን። አዲሱ ዓመት ለደንበኞቻችን፣ ለባለአክሲዮኖች እና ለሁሉም የኢትዮጵያ ህዝብ የሰላም፣ የደስታ እና የጋራ ብልጽግና እንዲሆን ከልብ እመኛለሁ።   መልካም አዲስ ዓመት! ሙሉጌታ አለማየሁ ዋና ሥራ አስፈፃሚ፣ ቡና ባንክ – የባለራዕዮች ባንክ!

በሀገራችን የግብርናውን ዘርፍ ለማዘመንና የፋይናንስ ተደራሽነትን ለማስፋፋት በማለም፤ ቡና ባንክ እና የኢትዮጵያ ግብርና ትራንስፎርሜሽን ኢንስቲትዩት (ATI) ሐምሌ 8 ቀን 2018 ዓ.ም. (July 15, 2026) የአጋርነት ስምምነት ሰነድ (MoU) ተፈራርመዋል። ይህ ስምምነት በኢትዮጵያ የግብርና ትራንስፎርሜሽንን፣ የህብረት ሥራ ማህበራትን ልማት እና ሁሉን አቀፍ የግብርና ፋይናንስን ለመደገፍ የሚያስችል የተቀናጀ ስትራቴጂካዊ ማዕቀፍ ይፈጥራል ተብሎ ታምኖበታል። ይህ ስትራቴጂካዊ አጋርነት ዲጂታል የባንክ አገልግሎቶችን ከግብርና ሥራዎች ጋር በማቀናጀት በገጠሩ የሀገሪቱ ክፍሎች ያለውን የፋይናንስ ክፍተት በዋነኝነት ለመሙላት ያለመ ነው። ስምምነቱ በአምስት ዋና ዋና ምሰሶዎች ላይ የተዋቀረ ሲሆን፤ እነሱም የግብርና እና የህብረት ሥራ ማህበራት ልማት፣ የግብርና ስራ ፈጠራ (Agri-Entrepreneurship)፣ የእሴት ሰንሰለት ፋይናንስ፣ ዲጂታል ግብርና እና ተቋማዊ የባንክ አገልግሎቶችን ያጠቃልላል። በፊርማ ሥነ-ሥርዓቱ ላይ የቡና ባንክ ዋና ሥራ አስፈፃሚ አቶ ሙሉጌታ ዓለማየሁ ስምምነቱ ከባንኩ ዘላቂ ግብ ጋር ያለውን ፍፁም መጣጣም ሲያብራሩ፡-“በእሴት ላይ የተመሰረተ አጋርነት እና ዘላቂ እድገትን ማረጋገጥ ከባንካችን ስትራቴጂካዊ ምሰሶዎች መካከል ዋና ዋናዎቹ ናቸው። በመሆኑም ይህ አጋርነት ዘላቂ እድገት እና ማህበረሰባዊ ተፅዕኖ ለመፍጠር ሰፊ ዕድል ያለውን የህብረተሰብ ክፍል ለመድረስ ስትራቴጂካዊ ባህሪ ያለው ስምምነት ነው”* ብለዋል። ይህ ለማህበረሰቡ ዕድገት በአጋርነት የመቆም ቁርጠኝነት በተግባር በመተርጎም ረገድ፣ ስምምነቱ አማራጭ የባንክ አገልግሎቶችን እና ልዩ የዲጂታል ብድር ምርቶችን ተደራሽ የማድረግ ኃላፊነትን አስቀምጧል። በዚህም ባንኩ እንደ “አቦል ዲጂታል ፋይናንሻል ሰርቪስ” (Abol DFS) ያሉ የራሱን የቴክኖሎጂ መድረኮች በመጠቀም፤ በክላስተር ለተደራጁ አርሶ አደሮች፣ ለግብርና ሜካናይዜሽን አገልግሎት ሰጪዎች እንዲሁም ለወጣቶችና ሴት ስራ ፈጣሪዎች ተስማሚ የሆኑ የፋይናንስ መፍትሄዎችን ያቀርባል። የኢትዮጵያ ግብርና ትራንስፎርሜሽን ኢንስቲትዩት (ATI) ዋና ዳይሬክተር ዶ/ር ማንደፍሮ ንጉሴ በበኩላቸው፤ ይህ ትብብር አዳዲስ ግብርና-ነክ ስራ ፈጣሪዎች በተለይም የብድር ዋስትና (ኮላተራል) ማቅረብ የማይችሉ ወጣቶች የሚያጋጥሟቸውን ተግዳሮቶች ለመቅረፍ ያለውን ሚና ሲጠቅሱ፡-“ይህ ስምምነት ብድር ለመውሰድ ዋስትና ማቅረብ ለማይችሉ እና የገንዘብ ድጋፍ ለሚያስፈልጋቸው በርካታ ወጣት አርሶ አደሮች በኩል ያለውን የፋይናንስ ክፍተት፣ ሊፈጠር ከሚችለው የብድር ስጋት ጋር በማመጣጠን ለመሙላት ትልቅ ዕድል የሚፈጥር ነው፤ ይህም በአንጻሩ ለባንኩም ሆነ ለሀገሪቱ ትልቅ አስተዋፅዖ ይኖረዋል” ብለዋል። ያለዋስትና ከሚሰጥ ብድር ጋር ተያይዞ የሚመጣውን ስጋት ለመቀነስ እንዲረዳ፣ የግብርና ትራንስፎርሜሽን ኢንስቲትዩት (ATI) ወሳኝ የሆኑ የግብርና መረጃዎችን፣ የንግድ እቅድ ድጋፎችን እና የራሱን የተደራጀ የአርሶ አደሮች መረጃ ቋት (Farmer Profiling System) ከባንኩ ጋር ያገናኛል። ይህ የመረጃ ልውውጥ ሥርዓት ቡና ባንክ በሰው ሰራሽ ኢንተለጀንስ (AI) ላይ የተመሰረቱ የብድር መመዘኛ መተግበሪያዎችን እና የጋራ ዋስትና (co-guarantee) የፋይናንስ ሞዴሎችን በመጠቀም ከዚህ ቀደም የባንክ አገልግሎት ባልደረሰባቸው የማህበረሰብ ክፍሎች ዘንድ ፈጣንና ቀልጣፋ የብድር አቅርቦት እንዲኖር ያስችላል። ይህ ስምምነት ከተጠቀሰው አብይ የትብብር ማዕቀፍ ባሻገር በሁለቱ ተቋማት መካከል ያለውን ግንኙነት ይበልጥ የሚያጠናክር ሲሆን፤ በዚህም ቡና ባንክ ለኢንስቲትዩቱ እና ለሰራተኞቹ አጠቃላይ የባንክ አገልግሎቶችን ማቅረብን ያካትታል። የመግባቢያ ሰነዱ ዛሬ በይፋ መፈረሙን ተከትሎ፤ ሁለቱም ተቋማት የተነደፉትን ስትራቴጂካዊ ምሰሶዎች ወደ ተግባር ለመለወጥና በኢትዮጵያ የግብርና ምህዳር ውስጥ ዘላቂ የኢኮኖሚ አቅምን ለመገንባት የበኩላቸውን ለማበርከት በጋራ መስራት ይጀምራሉ።   Bunna Bank and Ethiopian Agricultural Transformation Institute Forge Strategic Partnership to Drive Agri-Finance and Sector Transformation ADDIS ABABA — In a major step toward expanding financial inclusion and accelerating Ethiopia’s agricultural sector, Bunna Bank and the Ethiopian Agricultural Transformation Institute (ATI), on July 15, 2026, signed a landmark Memorandum of Understanding (MoU). The agreement establishes a comprehensive and unified framework to support agricultural transformation, cooperative development, and inclusive agri-finance across the nation. The strategic partnership directly targets critical gaps in rural finance by integrating digital banking solutions with agricultural operations. Structured around five core pillars, the collaboration encompasses agriculture and cooperative sector transformation, agri-entrepreneurship, value chain financing, digital agriculture, and institutional banking services. During the signing ceremony, CEO of Bunna Bank, Ato Mulugeta Alemayehu emphasized how the agreement aligns perfectly with the bank’s overarching objectives. “Value-based partnership and sustainable growth are among our bank’s strategic pillars,” he stated. “Therefore, this partnership is strategic in its nature to reach out to the masses where there is an opportunity for sustainable growth and community impact.” This commitment to community impact is practically operationalized through the MoU’s mandate to deploy alternative banking channels and specialized digital loan products. [7/16/2026 8:31 AM] Sami AD: By utilizing platforms such as Bunna Bank’s Abol DFS, the bank will deliver tailored financial solutions to cluster-based farmer productions, mechanization service providers, and youth and women-owned enterprises. Dr. Mandefro Nigussie, Director General of the ATI, highlighted the economic vitalization this collaboration will bring to emerging agricultural entrepreneurs, particularly in navigating traditional borrowing hurdles. “It is a big opportunity to fill the finance gap for many youth farmers who are in need of financing, balancing with the risk of uncollateralized credit, thereby contributing for the bank and the country too,” Dr. Mandefro remarked. To actively mitigate the risks associated with uncollateralized lending, the ATI will supply crucial agronomic data, business planning support, and integration with its granular Farmer Profiling System. This data-sharing framework will empower Bunna Bank to utilize AI-based credit scoring tools and co-guarantee financing models, ensuring accurate and efficient loan approvals for underserved client segments. Beyond this, the agreement also strengthens the institutional relationship between the two entities, with Bunna Bank set to provide comprehensive banking services and dedicated relationship management for the ATI and its staff. With the official execution of the MoU today, both institutions will immediately move to operationalize the strategic pillars through jointly developed implementation frameworks, setting the stage for sustainable economic empowerment within Ethiopia’s agricultural landscape.

ቡና ባንክ ዓመታዊ የሒሳብ መዝጊያ ሥራዎችን ለመሥራት እና የቀጣዩን የበጀት ዓመት ስራ ለማስጀመር ሰኔ 23 ቀን 2018 ዓ.ም ብቻ በሁሉም ቅርንጫፎችቻችን ላይ በጊዜያዊነት ተግባራዊ የሚሆን የሥራ ሰዓት ማሻሻያ አድርጓል። በመሆኑም፤ በመላው ሀገሪቱ የሚገኙ ሁሉም ቅርንጫፎች እስከ ቀኑ 6፡00 ሰዓት ድረስ ብቻ ለደንበኞች አገልግሎት ክፍት ሆነው ይቆያሉ። የዲጂታል ባንኪንግ አገልግሎቶች (አቦል ሞባይል ባንኪንግ፣ አቦል ዲጂታል ብድር አገልግሎት ፣ የኤቲኤም አገልግሎት፣ ፖስ አገልግሎት፣ ኢንተርኔት ባንኪንግ) አይቋረጡም፡፡ ውድ ደንበኛችን! ሁሉም የባንካችን አገልግሎቶች ረቡዕ ሰኔ 24 ቀን 2018 ዓ.ም ሙሉ በሙሉ መደበኛ ሥራቸውን እንደሚቀጥሉ በአክብሮት እንገልጻልን። ቡና ባንክ የባለራዕዮች ባንክ!