Uncategorized

የቡና ባንክ አ.ማ የባለአክሲዮኖች 17ኛ መደበኛ እና 8ኛ አስቸኳይ ጠቅላላ ጉባዔዎች ጥሪ የስብሰባ ቀን ማስተካከያ የተከበራችሁ የቡና ባንክ አ.ማ ባለአክሲዮኖች በኢትዮጵያ ንግድ ሕግ አንቀፅ 366/1/፣ 367/1/፣ 370፣ እና በባንኩ መመስረቻ ፅሑፍ አንቀፅ 21 እና 22 መሰረት የቡና ባንክ አ.ማ የባለአክሲዮኖች 17ኛ መደበኛ እና 8ኛ አስቸኳይ ጠቅላላ ጉባዔ ህዳር 12 ቀን 2019 ዓ.ም እንደሚከናወን ማሳወቃችን ይታወሳል፡፡ ነገር ግን ከባንኩ አቅም በላይ በሆነ ምክንያት  የስብሰባ ቀኑ ወደ ህዳር 20 ቀን 2019 ዓ.ም መዘዋወሩን ከይቅርታ ጋር እናሳውቃለን፡፡ በዚህ መሰረት ጉባኤው ከጠዋቱ 2፡00 ሰዓት ጀምሮ በአዲስ አበባ ከተማ፣ ሲኤምሲ አደባባይ  አካባቢ በሚገኘው፣ በአዲስ ዓለም አቀፍ የስብሰባ ማዕከል ስለሚያካሂድ፤ ባለአክሲዮኖች ወይም ሕጋዊ ተወካዮች በተጠቀሰው ቀን፣ ሰዓትና ቦታ በጉባዔው ላይ እንድትገኙ የማህበሩ የዳይሬክተሮች ቦርድ የአክብሮት ጥሪውን ያቀርባል፡፡ አክሲዮን ማህበሩን የሚመለከቱ ዋና ዋና መረጃዎች፣ የአክሲዮን ማህበሩ ስም፡- ቡና ባንክ አክሲዮን ማህበር፣ የአክሲዮን ማህበሩ ዓይነት፡- የባንክ ሥራ ላይ የተሰማራ አክሲዮን ማህበር፣ የአክሲዮን ማህበሩ የተፈረመና የተከፈለ ዋና ገንዘብ /ካፒታል/፡- 6,189,559,800 ብር፣ የአክሲዮን ማህበሩ የምዝገባ ቁጥር፡-AR/AA/3/0003357/2006፣ የአክሲዮን ማህበሩ ዋና መ/ቤት አድራሻ፡-አዲስ አበባ፣ ቦሌ ክ/ከተማ ወረዳ 02 የቤት ቁጥር አዲስ፣ ድረ ገጽ፡ http://www.bunnabanksc.com/ የ17ኛው ዓመታዊ መደበኛ ጠቅላላ ጉባዔ አጀንዳዎች፣ በባንኩ ውስጥ የተደረጉ የአክሲዮን ዝውውሮችን ማጽደቅ፤ እ.ኤ.አ የ2025/26 የዳይሬክተሮች ቦርድ ዓመታዊ ሪፖርት ማዳመጥና መወሰን፤ እ.ኤ.አ የ2025/26 የውጭ ኦዲተሮችን ዓመታዊ የኦዲት ሪፖርት ማዳመጥና ማጽደቅ፤ ባንኩን ለሚቀጥሉት ሦስት ዓመታት የሚያገለግሉ የውጭ ኦዲተሮችን ሹመት ማጽደቅና አበላቸውን መወሰን፣ እ.ኤ.አ የ2026/27 ሒሳብ ዓመት የዳይሬክተሮች ቦርድ ወርሃዊ አበልና እ.ኤ.አ የ2025/26 ሒሳብ ዓመት ዓመታዊ ክፍያ መወሰን፤ እ.ኤ.አ በ2025/26 ሒሳብ ዓመት የተጣራ ትርፍ ድልድልና ክፍፍል ላይ ተወያይቶ መወሰን፣ የጉባዔውን ቃለጉባዔ ማጽደቅ፣ የሚሉት ናቸው፡፡ የ8ኛው አስቸኳይ ጠቅላላ ጉባዔ አጀንዳዎች፣ የጉርሻ አክሲዮንን / Bonus Share / በተመለከተ ተወያይቶ መወሰን፤ የባንኩን መመስረቻ ጽሁፍ ማሻሻል፤ የጉባዔውን ቃለጉባዔ ማጽደቅ፣ የሚሉት ናቸው፡፡ ማሳሰቢያ በጉባዔው ላይ በአካል መገኘት የማይችሉ ባለአክሲዮኖች ስልጣን ባለው አካል የተሰጠ የውክልና ሰነድ ወይም በንግድ ህግ አንቀጽ 377 መሰረት ጉባዔው ከመካሄዱ ሦስት ቀን በፊት በባንኩ ዋና መ/ቤት አክሲዮን አስተዳደር ቢሮ በመቅረብ በባንኩ የተዘጋጀውን የውክልና ቅጽ በመሙላትና በመፈረም ተወካይ መሾምና ተወካዩም የውክልና ማስረጃውን በመያዝ የጉባዔው ተካፋይ ለመሆንና ድምጽ ለመስጠት የሚችል መሆኑን በአክብሮት እንገልጻለን፡፡ ሆኖም አንድ ባለአክሲዮን በማህበሩ ጠቅላላ ጉባዔ በማንኛውም ችሎታ መወከል የሚችለው አንድ ሰው ብቻ መሆኑን እናሳስባለን፡፡ የአክሲዮን ማህበሩ ባለአክሲዮኖች ወይም ህጋዊ ወኪሎቻቸው በጉባዔው ላይ ለመሳተፍ ሲመጡ ኢትዮጵያዊ ዜግነታቸውን የሚያሳይ የብሔራዊ መታወቂያ / ፋይዳ/ እና የታደሰ መታወቂያ ወይም ፓስፖርት ወይም መንጃ ፈቃድ ዋናውንና ኮፒ በመያዝ በጉባዔው ላይ መሳተፍ ይችላሉ፡፡ እንዲሁም ትውልደ ኢትዮጵያዊያን የሆኑ የውጭ አገር ዜግነት ያላቸው ባለአክሲዮኖች ትውልደ ኢትዮጵያዊያን መሆናቸውን የሚያረጋግጥ ቀኑ ያላለፈበት መታወቂያ /ቢጫ ካርድ/ ይዘው እንዲቀርቡ እናሳውቃለን፡፡ የድርጅትና የማህበር ተወካዮች ድርጅቱን/ማህበሩን ወክለው በስብሰባው እንዲገኙና ድምፅ እንዲሰጡ የሚያረጋግጥ ማስረጃ ይዘው መቅረብ ያለባቸው መሆኑን በአክብሮት እናስታውቃለን፡፡ የሚወከሉ ባለአክሲዮኖች የሚቀበሉት የውክልና መጠን የራሳቸውን አክሲዮን ጨምሮ ከባንኩ የተፈረመ ዋና ገንዘብ ከአስር በመቶ /10% / መብለጥ የለበትም፡፡ ባለአክሲዮኖች በስራ ላይ ያሉ የዳይሬክተሮች ቦርድ አባላትና ሰራተኞች በባለአክሲዮኖች ጉባዔ ላይ እንዲሳተፉና ድምጽ እንዲሰጡ መወከል አይችሉም፡፡ የጉባዔው ቦታ ከሲኤምሲ ቤቶች በተቃራኒ ከፀሐይ ሪል ስቴት አጠገብ ወደወሰን መሄጃ በስተግራ በኩል የሚገኘው አዲስ ዓለም አቀፍ ኮንቬንሽን ማዕከል መሆኑን ያስታውሱ፡፡ የቡና ባንክ አ.ማ የዳይሬክተሮች ቦርድ Call Us 8501 የባለራዕዮች ባንክ! Bank of the visionaries!   www.bunnabanksc.com    

የቡና ባንክ አ.ማ. ከጥቅምት 19-20 2019 ዓ.ም ለሁለት ቀናት ሲያካሂድ የቆየውን የ2026/27 በጀት ዓመት የመጀመሪያ ሩብ ዓመት የሥራ አፈጻጸም ግምገማ በደማቅ የሽልማትና የእውቅና ሥነ-ሥርዓት አጠናቋል። በዚሁ የሽልማት መርሃ-ግብር ላይ በሩብ ዓመቱ ከተቀመጠላቸው የውጤት መለኪያ አንጻር 100% እና ከዚያ በላይ በማስመዝገብ የላቀ አፈጻጸም ያሳዩ 66 ቅርንጫፎች በሙሉ የልዩ ምስክር ወረቀት መሆናቸው ታውቋል። ከእነዚህም መካከል 22 ቅርንጫፎች ከደቡብ አዲስ አበባ፣ 19 ከምዕራብ አዲስ አበባ፣ 17 ከምስራቅ አዲስ አበባ እንዲሁም 8 ቅርንጫፎች ከአዳማ ዲስትሪክት የተውጣጡ ናቸው። ባንኩ ባዘጋጀው በዚሁ የሽልማት እና ማበረታቻ መርሃግብር ላይ በእነዚህ 4 ዲስትሪክቶች ስር የላቀ ውጤት በማስመዝገብ ከ1ኛ እስከ 3ኛ ደረጃ ይዘው ያጠናቀቁትን የቅርንጫፍ ኮከቦች ይፋ አድርጓል፦በዚህ መሰረት ፣ ከአዳማ ዲስትሪክት፦ የደረጃው ከፍተኛ የላቀ ዋንጫ እና የገንዘብ ተሸላሚ የአዳማ ቦኩ ቅርንጫፍ  ሲሆን፤ የአዳማ አራዳ ቅርንጫፍ 2ኛ እንዲሁም የቀርሳ ቅርንጫፍ 3ኛ ደረጃን በመያዝ አጠናቀዋል። ከምዕራብ አዲስ አበባ ዲስትሪክት፦ የእሪ በከንቱ ቅርንጫፍ በላቀ አፈፃፀም የዋንጫ እና የገንዘብ ተሸላሚ ሲሆን፤ የመሀል መርካቶ ቅርንጫፍ 2ኛ እንዲሁም የልደታ ቅርንጫፍ 3ኛ ደረጃን ይዘዋል። ከደቡብ አዲስ አበባ ዲስትሪክት፦ በሁሉም የደረጃ ስብስቦች ሴት የቅርንጫፍ ስራ አስኪያጆች ያሸነፉበት ይህ ዲስትሪክት፤ የአፍሪካ ህብረት ቅርንጫፍ  1ኛ በመሆን የላቀ ዋንጫውን ሲወስድ፤ የስታዲየም ቅርንጫፍ 2ኛ እንዲሁም የጎተራ ቅርንጫፍ 3ኛ ደረጃን አግኝተዋል። ከምስራቅ አዲስ አበባ ዲስትሪክት፦ የከበደ ሚካኤል ቅርንጫፍ በላቀ አፈፃፀም ዋንጫና የ1ኛ ደረጃ ሽልማትን ሲቀዳጅ፤ የሃያሁለት ማዞሪያ ቅርንጫፍ 2ኛ እንዲሁም የሻላ ቅርንጫፍ 3ኛ ደረጃን ይዘው የገንዘብና የምስጋና ምስክር ወረቀት ተሸላሚ ሆነዋል። በሥነ-ሥርዓቱ ላይ እንደተገለጸው፤ የተሰጡት ዋንጫዎች ተዘዋዋሪ ሲሆኑ፣ በበጀት ዓመቱ መጨረሻ ላይ በአራቱም ሩብ ዓመታት አማካይ ውጤት ከአጠቃላይ ዲስትሪክቱ አንደኛ የወጣው ቅርንጫፍ ዋንጫውን በቋሚነት የራሱ እንደሚያደርግ ተብራርቷል። በዲስትሪክቶች ደረጃ የተመዘገበውን ውጤት ተከትሎ፣የባንኩ ቺፍ ፋይናንስ እና ኮርፖሬት ሰርቪስ ኦፊሰር አቶ ለውጤ ጥሩሰውን ጨምሮ ከፍተኛ አመራሮች ሽልማቱን ያበረከቱ ሲሆን፤ በተቀመጠው የዉጤት መለኪያ መሰረት ግቡን እጥፍ በማድረግ 198.8% ያስመዘገበው የደብረማርቆስ ዲስትሪክት የሩብ ዓመቱ ታላቅ ኮከብ 1ኛ ደረጃ ተሸላሚ በመሆን የገንዘብ ሽልማትና የእውቅና ደብዳቤ ወስዷል። የደቡብ አዲስ አበባ ዲስትሪክት ግቡን 123.8% በማሳካት 2ኛ ደረጃን፣ የባህር ዳር ዲስትሪክት የግቡን 110.7% በማሳካት 3ኛ ደረጃን እንዲሁም የደብረ ብርሃን ዲስትሪክት የግቡን 106.2% በማሳካት 4ኛ ደረጃን በመያዝ የላቀ አፈጻጸም ያሳዩ የባንኩ የጥንካሬ ምሶሶዎች መሆናቸውን በማስመስከር ሽልማታቸዉን ወስደዋል። በማጠቃለያው የባንኩ ከፍተኛ አመራሮች ለተሸላሚዎች በሙሉ የእንኳን ደስ አላችሁ መልዕክት ያስተላለፉ ሲሆን፣ የተመዘገቡት ስኬቶች በቀጣዮቹ ሩብ ዓመታትም ይበልጥ ተጠናክረው እንዲቀጥሉና መላው የባንኩ ሰራተኛ ባንኩን ወደ ላቀ ከፍታ ለማውጣት በጋራ እንዲረባረብ አቅጣጫ በማስቀመጥ መርሃ-ግብሩ በስኬት ተጠናቋል።

የኤሌትሪክ ተሽከርካሪ (EV) ባትሪ ለመቀየር የሚኖረዉ ትልቅ ወጪ አስጨንቆታል? አሁን ጭንቀትዎ በቡና ባንክ ቀሏል! ቡና ባንክ ለኤሌትሪክ ተሸከርካሪ ባለቤቶች ልዩ የኢቪ ባትሪ ብድር አገልግሎት (EV Battery Financing Service) ይዞልዎት ቀርቧል። አሁኑኑ ወደ ቡና ባንክ Customer Onboarding በመግባት ወይም አቅራቢያዎት ወደሚገኝ ቅርንጫፍ በመሔድ ሒሳብ ይክፈቱ፡፡ ከመደበኛ ወለድ ከፍ ባለ የወለድ መጠን ቁጠባዎን እየቆጠቡ የባትሪዎ የአገልግሎት ዘመን ሲያበቃ ባንኩ አዲስ ባትሪ መግዣ ብድር ያመቻችልዎታል፡፡ ሊንኩን በመጫን ስለ አገልግሎታች ሙሉ መረጃ በመግኘት የአገልግሎታችን ተጠቃሚ ይሁኑ፡፡ ለበለጠ መረጃ ወደ ጥሪ ማዕከላችን 8501 ይደዉሉ፡፡ Link___ Buna Bank ቡና ባንክ — የባለራዕዮች ባንክ! #BunnaBank #BunnaCustomerOnBoarding #TransportSector #Innovation #EV #New

በቅርብ ቀን ይጠብቁን…. #BunnaBank #New #Innovation #TransportSector #BunnaCustomerOnBoarding

ክቡራን የባንካችን ደንበኞች፣ የተከበራችሁ ባለአክሲዮኖች፣ ባለድርሻ አካላት እና ለመላው የኢትዮጵያ ሕዝብ፤ በቅድሚያ፣ እንኳን ለአዲሱ የ2019 ዓ.ም ዘመን መለወጫ በዓል በሰላም አደረሳችሁ። “የባለራዕዮች ባንክ” በሆነው ባንካችን በየዕለቱ ታላላቅ አላማዎችን ለማሳካት ስንጓዝ፣ በባንካችን ላይ ላላችሁ ጽኑ እምነት እና በተግባር ላሳያችሁን ታማኝ አጋርነት በዚህ አጋጣሚ ከልብ እናመሰግናለን። የእድገት ጉዟችን እውነተኛ ማዕከል ሁልጊዜም ደንበኞቻችን እና ባለአክሲዮኖቻችን ናቸው። ባንካችንን ይበልጥ ዘመናዊ፣ ቀልጣፋ እና ለነገው የፋይናንስ ገበያ ጠንካራ ውድድር ዝግጁና ለደንበኞቻችን ምቹ ለማድረግ በርካታ የለውጥ እርምጃዎችን ወስደናል፦ የዲጂታል ባንኪንግና የብድር አገልግሎቶቻችንን በማስፋፋት ደንበኞቻችን እንከን የለሽ፣ ፈጣን እና የላቀ የባንክ አገልግሎት እንዲያገኙ አድርገናል። በአዲሱ ዓመትም ይህ ተነሳሽነት ይበልጥ ተጠናክሮ እንዲቀጥል ተግተን እንሰራለን። የባንካችን ቀጣይነት ያለው ስኬት የሚመነጨው ከባለአክሲዮኖቻችን የማያቋርጥ ድጋፍ መሆኑ እሙን ነው። በአዲሱ ዓመትም የባለአክሲዮኖቻችንን እሴት ከፍ የሚያደርጉ ውጤታማ ስራዎችን ለመስራት ተዘጋጅተናል። በሀገራችን አዲስ የተጀመረውን የሰነደ-መዋዕለ-ነዋይ ገበያን ጨምሮ ሌሎች የባንካችንን ዋና ቢዝነስ የሚደግፉ የገበያ ዕድሎችን በብቃት አሟጦ በመጠቀም፣ ጠንካራ የሪስክ አስተዳደር በመዘርጋትና የውስጥ አቅምን አሟጦ በመጠቀም የጋራ እድገታችንን እናረጋግጣለን። የቡና ባንክ እውነተኛ ስኬት የሚለካው ከናንተ – ከውድ ደንበኞቻችን እና ባለአክሲዮኖች – ጋር ባለው የጠበቀ ውጤታማ ግንኙነት ነው። በመሆኑም በ2019 ዓ.ም በአላማና በአንድነት በመቆም፣ አዳዲስ እሴቶችን በጋራ በመፍጠር እና የአገልግሎት ጥራታችንን ከፍ በማድረግ መጪውን ጊዜ በአንድነት እንገነባለን። አዲሱ ዓመት ለደንበኞቻችን፣ ለባለአክሲዮኖች እና ለሁሉም የኢትዮጵያ ህዝብ የሰላም፣ የደስታ እና የጋራ ብልጽግና እንዲሆን ከልብ እመኛለሁ።   መልካም አዲስ ዓመት! ሙሉጌታ አለማየሁ ዋና ሥራ አስፈፃሚ፣ ቡና ባንክ – የባለራዕዮች ባንክ!